《開市Ｇｏｏｄ　Ｍｏｒｎｉｎｇ》花旗國前總統特朗普受襲，加上神州第二季經濟數據差過預期，香江魚缸借勢回調，日內最多跌３４６點，低位１７９４６點，最終收市跌２７７點，收報１８０１５點，險守萬八關口；成交冇起色，僅得９１１億銀。神州城鄉二元結構分化之下，要提升內需增長潛力，重心或需加強轉移至鄉鎮地域？第二季數據亦反映神州財政收入佔ＧＤＰ比重已降至兩成六，是次三中全會拍板增加中央財政赤字來充實財政資源機會大增？　　外圍焦點離唔開「特朗普交易」對環球孖屐帶來嘅影響。上屆花旗國大選期間，當時交易的主要特徵包括高利率、高美元及強美股。同依家市況相比，似乎都正係複製當時路徑？若「特朗普交易」持續發酵，對中概股嘅風險會陸續浮現？同時擔心花旗國通脹或會維持於高位一段長時間，對香江魚缸而言，負面影響較大？　　神州近來另一熱話屬無人駕駛。雖然百度（０９８８８）旗下蘿蔔快跑喺武漢可達收支平衡，但僅屬扭虧為盈第一步，往後有冇持續增加盈利嘅條件？而且蘿蔔快跑安全性成疑，現時孖屐支持度又如何？喺中央力推提升新能源車滲透率嘅同時，無人駕駛網約車又能否同樣受惠？如何判斷市場前景？百度股價回吐逾半成，屬上車機會？　　聽日（１６日）《開市Ｇｏｏｄ　Ｍｏｒｎｉｎｇ》搵嚟輝立證券董事黃瑋傑，同大家分析上述股份及大市走勢！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｖＶＹＢ９ｚｚ－ａＴＩ打個卡先又得！

【etnet 30周年】多重慶祝活動一浪接一浪，好禮連環賞！ ► 即睇詳情