29/04/2024 16:17
《開市Good Morning》黃瑋傑明講大市、五一出行概念
《開市Good Morning》香江魚缸叻仔啊!今日連升第六日,日內最多升逾300點,重越萬八大關,可惜未能企穩,加上恒科指跑輸,未能進一步推高大市,升勢回順,最終收市升95點,收報17745點,守住250天牛熊分界線。以魚缸今年低位14794點計算,目前累升超過兩成,踏入技術性牛市,亦係去年8月後首次收復俗稱牛熊分界線嘅250日移動平均線,不過由於短期累積升幅已達2000點,加上短線超買嚴重,以及RSI見背馳,短線18000心理關口未能企穩下,出現回調亦屬合理?前高位17200水平由阻力變成支持,回調若守得住,後市仍可睇高一線? 神州聽日開始五一黃金周,花旗指出五一假期國內機票預售按年增長2成1,比2019年即係疫情前仲要高出4成有多。受五一出遊行情持續火熱帶動,兩大旅遊平台龍頭攜程(09961)以及同程旅行(00780)呢排越升越有,就算今日回吐返啲,年初至今都累漲39%及43%,大幅跑贏內需板塊同大市,不過已經累升咗咁多,係咪仲值得高追? 如果講到部署策略,假期前即係最後聽日反而要沽?至於博彩股喺整體賭收不強下板塊衝高回落,即使憧憬五一數據唔會差,過往數據反映長假期只會旺丁不旺財,對帶動濠賭股的幫助有幾大?如果論前景的話,中長線部署邊隻會係黃師傅的心水? 聽日(30日)《開市Good Morning》搵嚟輝立證券董事黃瑋傑,同大家分析上述股份及大市走勢!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=OUGVwQSo12I 打個卡先又得!
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇