《魚缸博客》恒指尋日跌唔夠１點，而且重新守穩１８０００關口，今朝高開８０點後，升幅持續擴大，高位１８２３１迫近２０天線１８２３７。從日線圖睇，恒指漸呈收窄三角形待破格局，即係唔知會向上定向下突破。從基本面分析，雖然內地先後公布咗「消費１７條」同埋「科創８條」，但都未見有即時行動。市場得個「等」字，實行起上嚟有幾大成效又係未知數。　　今天講吓隻蒙牛乳業（０２３１９），呢間公司基本上年年賺錢，毛利穩定，派息亦持續增加。截至２０２３年止未期息０﹒５３６９銀亦會喺聽日派送，預期周息率都有４﹒６５厘，過過好多本地大銀行嘅定存。　　股價走勢方面，目前仍然處於２０２３年２月以來嘅大跌浪，但從日線圖睇，股價喺６月１３日低見１２﹒５２銀，９ＲＳＩ跌至１９，屬嚴重超賣水平，翌日以十字星喺１２﹒７６銀收市，之後逐步反彈。再以費波納奇量度２０２２年以來嘅走勢，以舊年２月２日至本月初嘅跌幅，同２０２２年３月１日至１０月３１日嘅跌幅相同咁計，舊年以來嘅下跌目標係１３﹒０２銀，只係比真實低位１２﹒５２高咗０﹒５銀，由此推斷，蒙牛嘅中期調整浪已經結束。　　以反彈舊年以來最大跌幅五成計，上升目標大約係２５﹒８５銀，以尋日收市價１３﹒３４銀計，即係潛在回報率（未計交易費用）有大約９４％。建議現價追入，收低過１２銀止蝕，上升目標分別係２１銀同２５銀。（ｐｃ）　《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇？】以伊衝突升級，北韓派兵增援俄羅斯，你會否擔心世界發生大規模戰爭？► 立即投票