《開市Ｇｏｏｄ　Ｍｏｒｎｉｎｇ》香江魚缸承接唔到上日升勢，恒指一度升至２５０天牛熊分界線（約１７４０８點）後，遇到阻力掉頭向下，收市跌３９點，報１７３０４點，加上未見資金積極入市，反映孖屐對魚缸信心仍未夠？踏入業績期，資金炒股唔炒市？即使某一兩隻大藍籌業績好，對推升大市作用都好難持續？　　隔晚聯儲局一如孖屐預期維持利率不變，主席鮑威爾會後指，９月減息可能係選項之一。十大藍籌中有４隻都係公用股，憧憬聯儲局於９月開始減息，對利率敏感性較高的收息股將重新受資金追捧？不過自７月初以來，大部分公用股已累積一定升幅，邊隻仲有值博空間？　　馬交７月博彩收入為近１８６億澳門元，按年增加１１﹒６巴仙，差過預期嘅一成四，按月則升逾半成，今年首７個月計，博彩收入１３２３﹒５億澳門元，按年升逾三成六。去年８月疫後復甦令基數較高，雖７月賭收不及預計，但有雙位數升幅亦算可接受？美高梅中國（０２２８２）第二季收益淨額１０﹒２億美金，按年增加三成七，調整物業ＥＢＩＴＤＡＲ增加逾四成。業績硬淨仍然可吼？　　周五（２日）《開市Ｇｏｏｄ　Ｍｏｒｎｉｎｇ》請來ｉＦＡＳＴ　Ｇｌｏｂａｌ　Ｍａｒｋｅｔｓ投資總監溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｒｈＪＢＵｎｕｅＵＤＵ　打個卡先又得！

【香港好去處】etnet全新頻道盛大推出！全港最齊盛事活動資訊盡在掌握！► 即睇