11/04/2024 16:37
《開市Good Morning》溫鋼城明講數據、科技股、車股
《開市Good Morning》花旗國減息時間表再推遲,當地孖屐大震盪,香江魚缸都算硬淨、日內雖曾失守萬七點,好彩其後跌幅收窄,收市跌44點,收報17095,成交雖弱仲未夠千億銀,守得住萬七關都收貨!不過神州3月經濟數據唔算好睇,呢份數足以反映神州經濟現況嗎? 阿里巴巴(09988)創辦人馬雲突發文撐集團,目的何在?但對阿里股價利好又唔算太大,反映馬雲影響力已漸減?馬雲今次咁做對穩市場信心的成效係點?現時阿里要救股價已難再有新招?溫總又點睇阿里而家嘅經營方針?未來看點只能押注喺雲業務上?美團(03690)重整外賣業務,對營運前景有咩影響? 中汽協公布神州今年第一季中國汽車產銷,累計完成660﹒6萬輛同672萬輛,按年分別增長6﹒4巴仙和10﹒6巴仙;正值減價戰嘅新能源車企,營收升但利潤減的劣勢屬無可避免?要同時激發汽車消費潛能,又要穩定行業預期,變相只能以補貼政策托住? 聽日(12日)《開市Good Morning》搵嚟iFAST Global Markets副總裁溫鋼城,同大家分析上述股份、大市走勢,當然唔少得分析其他焦點股份!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=QKCuobQHs9U 打個卡先又得!
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票