30/07/2024 16:33
《開市Good Morning》熊麗萍講大市、渣打業績
《開市Good Morning》香江魚缸完全回吐上日升幅,日內最多跌超過260點,一度跌穿萬七點大關,收市跌幅雖然收窄,但只係險守萬七點大關,成交繼續水皮,僅達900億銀。魚缸一旦再次失守萬七點大關,連上星期底部恐怕會被受考驗。最怕係進一步向下回補4月底嘅裂口,資金面薄弱之下,魚缸繼續尋底風險大?8月業績期又有冇條件翻身?神州政治局會議主要延續宏觀政策大方向,冇提到實質政策出台,上日神州孖屐市況足以反映「大方向式論調」不足以提振股民信心? 業績股留意渣打(02888),今日放榜後急升,全因業績有驚喜,今日升勢反映晒業績利好因素未?渣打特別提到會上調今年全年嘅收入指引至增長超過7巴仙,集團現時具備條件達成呢個目標未?不過始終擔心內房因素會唔會進一步拖累未來業績後腿! 至於聽日(31日)晏晝放榜嘅滙控(00005)又點睇呢?孖屐特別關注佢哋派息同回購步伐,股價走勢上都已經挑戰緊下降通道頂部,滙控又有冇機會好似渣打咁樣俾驚喜大家?績前部署又可以點樣做? 周三《開市Good Morning》搵請來資深財經分析師熊麗萍,同大家分析上述股份、大市走勢,以及即日日焦點股!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟 https:╱╱www﹒youtube﹒com╱watch?v=qzs_78Pr3VQ個卡先又得!
【你點睇】巴黎奧運正式閉幕,今屆你感到最深刻的地方是?► 立即投票