《開市Ｇｏｏｄ　Ｍｏｒｎｉｎｇ》初七人日香江魚缸重上１６０００關，一度升逾４００點，高見１６３９４點，收市升３９５點，報１６３３９點，農曆新年假期後連升三日，喺缺乏北水嘅情況下，成交７０６億，北水下星期一回歸，有望帶旺港股繼續向上嗎？恒生指數將公布季度檢討結果，普拉達（０１９１３）、小鵬（０９８６８）等股份可能獲染藍，如何判斷染藍股份前景？　　澳門１月份賭收增長理想，加上澳門酒店入住率達到九成，反映澳門旺丁又旺財，今日（１６日）濠賭股普遍跟隨大市向上，銀娛（０００２７）曾突破今年一月初高位，收市升逾２巴仙；金沙（０１９２８）績前升近５巴仙，業績表現理想？濠賭股即將面臨淡季，應先離場止賺？領展（００８２３）早前宣布收購中國物業七寶萬科廣場的餘下５０％權益，股價於收購消息公布後未見有起色，反映市場仍然對內地消費及經濟狀況感到憂慮？　　下星期一（１９日）《開市Ｇｏｏｄ　Ｍｏｒｎｉｎｇ》搵嚟凱基亞洲投資策略部主管溫傑，同大家分析上述股份、大市走勢，當然唔少得當日嘅焦點股啦！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＲＨＱＤ８１ｋＢｔｕｏ打個卡先又得！

【你點睇】工聯會調查指外勞輸入政策影響漸現，多個行業失業比例較高，促暫停輸入外勞，你是否認同？► 立即投票