16/07/2024 11:59
《魚缸博客》東方海外被大行唱淡,宜先回調後再入手
《魚缸博客》話說今日市場焦點,就肯定係航運股,而航運股入面,隻東方海外(00316)又特別聚焦,主要兩大消息:1。截至2024年6月30日止第二季度之總收入22﹒65億美元,按年增加14﹒4%;2。暫時見到大和以及大摩唱淡。 大摩表示,股價有70%至80%機會在未來60日下跌。主要參考公司公布第二季營運數據溫和,但留意到運載力下降,可能受重整航線拖累,其中風險包括集裝箱航運市場氣氛見頂。 大和發表報告,將東方海外目標價由160元下調至110元,評級由「買入」下調至「持有」,認為短期催化劑有限;另外上海出口集裝箱運價指數(SCFI)在十三個星期的升勢後開始回落,令投資者憂慮運費能否持續高企,因此該行認為東方海外股價的短期催化劑有限 其實都唔難明白,自從疫情之後,飛機運輸開始慢慢復甦,所以船航運需求減少都正常,但係咪代表無咩發圍?博客又唔係咁睇,畢竟有地方係飛機運唔到,又或者必須要船航運先去到,例如紅海局勢問題、烏克蘭問題等等。 點都好,博客都係建議先等股價回落先再入手,暫時睇,90蚊相信會有唔錯支持,如果有興趣繼續看好呢一行,可以考慮到100蚊開始,不停向下溝,相信90蚊會有一定反彈力。 《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票