25/07/2024 12:01
《魚缸博客》AI熱潮襲擊媒體,美圖公司乘勢而起!
《魚缸博客》一場AI革命,令世界完全變晒,一個APP只要落個指令,就可以自動生成內容。博客之前係推特(X)上面,見到有一個日本藝術家,利用AI軟件,自動生成一首歌、然後再自動變成MV擺上網,水準十分之高,睇怕做媒體呢行都好快被人淘汰! 不過,外國就有好多公司食住AI呢條水股價起飛;我地中國係呢方面都唔落後,好似美圖公司(01357)公告,根據非國際財務報告準則,截至2024年6月30日止六個月,公司擁有人應占經調整淨利潤相較去年同期預期錄得增長不低於80%。 公司表示,收入提高有兩大原因:生成式AI技術提升影像與設計產品力,為用戶提供效果更好的圖像和視頻處理、視覺創意設計等功能,持續驅動用戶付費;集團的影像產品在中國內地以外的多個國家應用商店名列前茅,推動用戶及訂閱會員的雙增長。 即係話,AI化嘅圖片處理軟件,令媒體工作入行門檻降低,只要識打字、話到指令俾AI聽,AI就會識整到你想要嘅嘢。更多人都會選擇訂閱呢種有AI功能嘅軟件,而係云云上市公司中,好似就真係得美圖係主力做圖片處理。 睇返美圖近期股價,都比較受比特幣價格影響,畢竟公司都有買貨。不過相信公司股價推動嘅催化劑,將會係呢場AI革命。而今日股價一下彈近一成,預計都會繼續直線上升,第一關建議先睇3蚊! 《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】本港無人駕駛自動車最快本月底試運,你會否乘坐?► 立即投票