《開市Ｇｏｏｄ　Ｍｏｒｎｉｎｇ》香江魚缸高開後升幅一度擴大至２４２點，高位重上１７７００點水平，惟逼近１０天線（約１７７７３點）遇阻力，其後更加由升轉跌，收跌５１點，報１７４７１點，成交上返千億銀，魚缸仲係塘水滾塘魚。雖然恒指又再來到保力加通道底線，估值仲係好平，但成交仍然疲弱，動力不繼下都係觀望住先、不宜入市？唔排除仲會下試１００天線（約１７４５６點）？　　至於表現最差嘅十大藍籌，大部分都係資源股，早前三桶油股價一直高居不下，周三（１０日）回調幅度比較明顯，可趁低吸納嗎？神州氧化鋁期貨早段曾跌２巴仙，但全球氧化鋁供應偏向緊張，氧化鋁價格已長時間高企，價格短線屬健康回調？對相關股份股價影響屬短暫？中國宏橋（０１３７８）回調至保力加通道下限附近，可以低吸嗎？　　小鵬（０９８６８）公布另一全新車型「Ｐ７＋」，新車款賣點包括「５米＋」及「技術＋」，有內媒引述消息指，小鵬Ｐ７＋預計今年第四季推出，亦係小鵬首款實現技術成本降低２５％目標嘅車型，將放棄激光雷達智能駕駛系統，轉向類似Ｔｅｓｌａ嘅純視覺解決方案，如果屬實，呢項技術對小鵬嚟講，又算唔算一個新突破？對降低成本及提高單車毛利率，效果又有幾明顯？　　周四（１１日）《開市Ｇｏｏｄ　Ｍｏｒｎｉｎｇ》請來國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝Ｊ６ＮａＬＵ０ＣｗＨ０　打個卡先又得！

《說說心理話》說說心理急救：遇危急事故應如何面對？點樣正確提供情緒支援？講錯說話容易造成二次傷害！► 即睇