《開市Ｇｏｏｄ　Ｍｏｒｎｉｎｇ》香江魚缸６月開局連升砍兩日！繼噚日反彈３２３點後，今日繼續低開高走，反覆靠穩。尾市升幅收窄，１８５００點連續５日得而復失，反映高位仍有沽壓？而全日大市成交只有１１６２﹒３１２億銀，係５月２８日以來最少，６月仲要小心有頭威、無尾陣？不過仲有好消息，就係北水連續１４日淨流入魚缸，係咪仲可以支撐後市向好？又係春江鴨？　　而魚缸表現近月回暖，孖屐即見企業趁機「配股」集資，先後有五礦資源（０１２０８）每５供２供股集資逾９０億銀，以及兗礦能源（０１１７１）配售２﹒９億股淨籌４９﹒３億銀。究竟上市公司配股集資，係睇唔到好後市想高位套現；定係公司急需集資大量現金用作業務用途，甚至用來還債？我哋要點判斷配股對股價係好定壞？　　聽日（５日）《開市Ｇｏｏｄ　Ｍｏｒｎｉｎｇ》搵嚟資深財經分析師熊麗萍，同大家分析上述股份、大市走勢，同埋當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＤＲａＯｆＲＳＳｐＴ８　打個卡先又得！

《說說心理話》情緒勒索任何關係均有機會發生　如何走出情緒勒索循環？► 即睇