12/01/2024 16:59
《開市Good Morning》溫傑周一講大市、虛幣股、車股
《開市Good Morning》香江魚缸唔讚得,上日(11日)迎來今年首升後,今日又重演先高後低跌住收!日內波幅都係得二百零點,最終收跌57點,收報16244點;成交都無睇得、連700億銀都唔夠!最弊就係十天線已跌穿廿天線、現死亡交叉,魚缸下周要重拾升幅難上加難?下周仲要睇實神州公布上年第四季GDP、12月零售、工業等數據,一個唔小心,可能再度質低灸缸!業內人士分析指,神州經濟有望於第二季始恢復正數,外圍仲有花旗國減息嘅不確定性,呢個預期會唔會過分樂觀? 轉睇比特幣相關股,喺11隻比特幣現貨ETF琴日正式開始交易後,資金紛紛轉追現貨ETF、爭住甩手比特幣相關個股。美圖公司(01357)最拖累日受最多跌近一成六,低見2個9;好彩低位有承接,最終收跌一成二。孖屐熱議今年係比特幣減半年,唔少投資者都吼機想儲貨、捕捉呢輪「可預視嘅牛市」;趁而家相關股份大插又係咪入貨好機會?同比特幣現貨ETF相比,邊類產品嘅投資價值較高? 睇埋又爆出減價嘅新能源車股。龍頭Tesla在神州新車減至唔使廿五萬人仔,仲平過喺香江買!究竟係當香江市場係水魚、定係純屬針對神州EV孖屐購買力轉弱而訂嘅銷售手法?跟唔上減價戰,學下升級配備又可唔可行?除咗減價同升級,「出海」同「跨界」又係咪殺出新血路嘅秘方? 下星期一(15日)《開市Good Morning》搵嚟凱基亞洲投資策略部主管溫傑,同大家分析上述股份、大市走勢,當然唔少得當日嘅焦點股啦!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=CyhOFCPLI8I打個卡先又得!
《說說心理話》【驚恐症來襲】無預警發作...患者親身講述得病經歷及康復過程!必要時自己做一件事可幫到手!► 即睇