04/07/2024 11:59
《魚缸博客》紫金變炒高低波,美國話減又唔減都收科?
《魚缸博客》減?唔減?減?唔減?話減又唔減,而家聯儲局就係咁盞。 如果你有上討論區,有唔少AA(地產經紀)實牙實齒咁話,今年一定減息啦!三月一定減。。。四月。。。五月。。。。六月一定!點知六月都係維持利率不變。呢種被人作弄嘅心情,真係好似坐過山車咁。 不過,金礦股都可以炒高低波幅,就真係好少見,好似今日金礦股又集體炒高。消息面方面,美國6月ISM非製造業PMI錄得48﹒8,遠低於預期,為2020年5月以來新低。經濟數據疲軟提振減息預期,隔夜金價上漲超過1%。 係咪真係減?又是否繼續出口述?博客覺得,美國係未有藉口可以減息,事關有種講法,係美國想維持高利率使美元走強,令資金流入美國;其他經濟體資金外流,令其經濟體受損,美國就可以從中Shopping;不過現實係,美國持續高息,但其他經濟體就無咩作動,呢下似乎有點鬥氣又鬥長命。 不過咁,話變又唔變,就自然可以炒波幅,好似紫金(02899)呢期波動性都夠大,而現價都係十七蚊咁上下,如果有興趣炒上落,都係一個唔錯選擇! 《編者按》本欄搜羅即市傳聞,惟消息未經證實,《經濟通》亦不保證內容之準確性。
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇