中央密集出招，市場氣氛明顯有改善，上證指數企穩３０００點，滬深兩市成交半日已達萬億元，而香江魚缸喺期指結算日高開，升幅一度擴大至７８０點，創逾一年半以來最高，最終收市升７０７點，報２０６３２點，上下波幅４７５點，成交４４５７億。下周北水因國慶休市，魚缸或正式面臨挑戰？會否重現中秋節乾升現象？
　　人行今日起開始降準０﹒５個百分點，為市場釋放一萬億元流動性，內銀股先升後回，反映市場對淨息差收窄的憂慮？內銀股前景如何判斷？旅遊相關股表現亮麗，當中金沙（０１９２８）升１４巴仙，攜程（０９９６１）升１２巴仙，金沙獲大摩上調目標價一成四至２０﹒５元，十一黃金周效應可以持續幾耐？
　　下星期一（３０日）搵嚟凱基投資策略部主管溫傑，同大家分析上述股份及大市走勢！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－喇！或者ｃｌｉｃｋ入嚟ｈｔｔｐｓ：／／ｗｗｗ﹒ｙｏｕｔｕｂｅ﹒ｃｏｍ／ｌｉｖｅ／ｗ２４３ｄ９９ＤＲＡＥ打個卡先又得！

當國家領土變成可交易商品，世界會變成點？即刻投票發表你對「購島論」的睇法。► 立即投票