07/06/2024 12:18
《魚缸博客》天氣熱電力股有照應!潤電今日三年高位
《魚缸博客》大市又係到浪下浪下,卡係萬九關唔上唔落,不過博客見到有小小驚喜,就係講緊隻潤電(00836),唔知係咪天氣熱,冷氣又要較低一兩度,個股價又升多一兩格。 公用股從來都係「抗跌神器」,好似今日咁中午高收23﹒9元,創下三年來高位,主要歸因除左內地用電量上升,亦考慮到未來半年開始減息,所股價反映係減息方面。 睇返小小數據,集團2024年4月附屬電廠售電量達到16,103,652兆瓦時,同比增加6﹒8%,附屬光伏電站售電量達到531,799兆瓦時,同比增加了234﹒4%。主要考慮到,國家電網披露2024年將加大電網投資力度,預計建設投資總規模將超5000億元人民幣,所以短期內電力股可能仲會有炒作。 另外,2024年迎峰度夏期間,內地官方講到明,全國電力供應整體有保障,局部地區高峰時段可能存在電力供應緊張的情況,主要是內蒙古、華東、華中、西南、南方區域部分省份。若出現極端或災害性天氣,電力供應緊張情況可能進一步加劇。 睇返股價走勢方面,而家好似上緊去歷史高位,睇頂就好唔好估頂,所以可以考慮現價入,定個目標位係25蚊,如果企穩可以考慮繼續持有,如果企唔穩就建議先食為妙。 《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票