03/06/2024 17:00
《開市Good Morning》黃瑋傑明講大市、賭股、教育股
《開市Good Morning》香江魚缸6月開局聲勢凌厲,日內曾升近500點,高位18573點,不過仲未有力修復十天線。最終收升323點,收報18403點,成交大增至1323億銀。點解今日個市表現咁好,就要歸功於騰訊(00700)呢隻升市功臣,多得企鵝澄清「微信支付被要求降低市場份額」謠言;另外又有新能源車股5月交付量出爐,齊齊拉升魚缸為6月開個靚頭。另外,神州公布埋5月財新製造業採購經理指數升0﹒3至51﹒7,唔止好過預期,仲係近兩年來最快增速。不過《彭博》就直指數據「有水份」,主要因「季節性調整」令數據失真,黃師傅又點睇? 至於賭城公布上月最新賭收,按月升近9巴仙至逾201億澳門元,按年就有近三成升幅;局方解釋升幅係受惠於神州五一黃金周所帶動,但神州下一個長假期已經要等到第三季尾嘅中秋、國慶長假期,神州自由行(IVS)計劃擴展又幫唔幫到托住賭收呢?觀乎各濠賭股股價及市佔率,似乎美高梅(02282)同永利(01128)有追落後勢頭,反映行業洗牌潮已開始?以未來投資價值而言,行業龍頭金沙(01928)同銀娛(00027)難再有增值空間? 教育股大多已公布第一季成績表,唔少都見到有盈利改善,甚至可扭虧為盈,加上政策利好釋放,教育板塊終迎來曙光?不過大前提係要教育之企業維持到改善勢頭先得,而家行業復甦能力係點?不過即使話行業復甦,都未代表係值得投資的時機?仲要睇實咩指標性條件? 聽日(4日)《開市Good Morning》搵嚟輝立證券董事黃瑋傑,同大家分析上述股份及大市走勢!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=oQw2lap-njE打個卡先又得!
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票