《開市Ｇｏｏｄ　Ｍｏｒｎｉｎｇ》香江魚缸終於回調！今早裂口低開近後，跌幅持續擴大，最多跌超過４６０點，單日回吐幅度係過去一個月升勢以來最大單日調整，個市由４月１９日收市１９２２４點，升至周一高位１９７０６點，已累升近３５００點，今日回調屬健康調整？唔排除向下回到萬九關搵支持？　　神州６１８購物節提早開賣，阿里（０９９８８）旗下淘寶天貓集團及京東（０９６１８）一早已齊齊預告將取消預售，反映電商企業都擔心今年銷情未必太好？另外神州ＡＩ行業掀減價戰，阿里旗下阿里雲宣布通義千問主力模型Ｑｗｅｎ－Ｌｏｎｇ減價幅度高達９７巴仙，其後百度（０９８８８）智能雲更宣布文心大模型兩大主力模型全面免費，行內陷入惡性競爭？　　ＬＭＥ期銅周一再創紀錄新高，每噸升至１１１０４﹒５０美元，有分析預計，銅價在明年首季可升至約每噸１萬２千美金，銀價長線則上望５０美金，白銀、銅價可睇高一線？相關股份又可考慮部署嗎？　　聽日（２２日）《開市Ｇｏｏｄ　Ｍｏｒｎｉｎｇ》搵嚟資深財經分析師熊麗萍，同大家分析上述股份、大市走勢，同埋當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｍＹｘｗ－ｋＣｚｆＲＱ　打個卡先又得！

【你點睇】特朗普勝出美國總統大選，你點睇未來數年的世界局勢？你認為中美關係前景會如何？► 立即投票