《魚缸博客》蘋果正式宣布同ＯｐｅｎＡＩ合作，今年內將會整合ＣｈａｔＧＰＴ與Ｓｉｒｉ功能，之後就會將ＣｈａｔＧＰＴ內置入ｉＯＳ系統當中，孖屐睇好到今年新出ｉＰｈｏｎｅ　１６就有機會全系列內置ＣｈａｔＧＰＴ，孖屐睇好新機內置ＣｈａｔＧＰＴ會帶動銷量，今日跌市之下就追炒舜宇（０２３８２）、比電（００２８５）等等概念股！　　蘋果都正式步入ＡＩ時代，更加標誌ＡＩ將會係未來幾年嘅市場重點。之前聯想（００９９２）就發布用咗英偉達高通驍龍Ｘ　Ｅｌｉｔｅ處理器嘅新ＡＩ電腦，包括Ｙｏｇａ　Ｓｌｉｍ　７ｘ同ＴｈｉｎｋＰａｄ　Ｔ１４ｓ　Ｇｅｎ　６，前者賣１１９９美金，後者賣１６９９美金，今個月內就會上市。當日消息公布後刺激聯想股價炒到上１２銀打上，但近期消息消化過後已經大幅回落，想買就趁而家。　　聯想董事長兼首席執行官楊元慶之前就提過，預計ＡＩ電腦未來三年會逐漸由高端走向主流，推動新一輪換機周期，今年ＡＩ電腦滲透率大約為１０％，到２０２６年就可以提升至５０％至６０％。而短期內，兩部新機推出之後嘅銷情就會係股價下一波嘅上升動力。　　走勢上聯想由４月中７﹒９９銀低位，升到５月底高位１２﹒２６銀，黃金回調比例計０﹒３８２倍，就係現價大約１０﹒７銀水平，短線已經會有初步支持，有興趣可以部署一下。而更強支持就喺黃金回調比例０﹒５倍位置１０﹒１２銀，亦都係５月中嘅橫行區，值博率比１０﹒７銀位置更高，初步上望遠再試前頂１２﹒２６銀先，大市氣氛夠好再試上１３銀都唔定！　《編者按》本欄搜羅即市傳聞，惟消息未經證實，《經濟通》亦不保證內容之準確性。

《說說心理話》說說心理急救：遇危急事故應如何面對？點樣正確提供情緒支援？講錯說話容易造成二次傷害！► 即睇