10/01/2024 16:35
《開市Good Morning》林家亨講大市、手機設備股
《開市Good Morning》香江魚缸踏入新一年日日都係跌市收場,今日更加一度逼近萬六關邊緣,最多跌逾150點,其後好淡爭持,今日萬六關姑且守得住,但久守必失,大市成交再縮減,加上權重藍籌股再次破底,大市下試前低位15972點低位機會大?科技股板塊表現慘淡,當中美團(03690)更加不斷尋底,跌穿70銀後雖有買盤入場,不過業務前景憂慮未除,都係迴避下好?ATMXJ中相對較穩陣嘅騰訊(00700)又見底未? 蘋果公司近日宣布Vision Pro將於2月開售,手機設備股有望借相關消息回升?近期兩隻手機孖寶舜宇(02382)同瑞聲(02018)都落返去保力加通道既底部,而家又係咪撈底時機?孖屐普遍預料,今年全球手機出貨量回升3﹒8巴仙,相關情況有冇咁快反映喺手機設備股未來一季出貨量數據上面? 內需餐飲股海底撈(06862)反彈逾8巴仙,重新收復20天線(13﹒975銀),大行唱好短期翻盤正面及毛利率前景穩定,今日有資金追入,不過受神州消費降級影響,海底撈仍可睇高一線?股價反彈過急會否有回吐風險? 聽日(11日)《開市Good Morning》搵嚟國農證券董事總經理林家亨,同大家分析上述股份、大市走勢,同埋當日嘅焦點股!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=GdxzFrC4yHk 打個卡先又得!
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇