《開市Ｇｏｏｄ　Ｍｏｒｎｉｎｇ》神州財新５月服務業ＰＭＩ為５４，好過孖屐預期，香江魚缸高開後，一度藉勢抽高近３００點，高位重上１８７００點樓上，但之後守唔住升勢，倒跌近２０點收市。近期抽水潮，包括一啲配股消息、科技股發ＣＢ等等，某程度上限制魚缸升幅？　　今星期已公布５月車企銷量數據，大部分車企按年及按月都有增長，皆因神州４月下旬發布汽車以舊換新補貼實施細則，有份帶動銷售？政策利好作用可以持續幾耐？但要留意車銷創新高，唔代表盈利都創新高！行內競爭激烈下，盈利能力難抱太大憧憬？　　美團（０３６９０）將於聽日公布首季業績，孖屐預期美團業績表現佳，料收入６９０億銀人仔，按年增長一成八，經調整盈利５８億銀，升半成，不過市場關注之一新業務進展，預期新業務收入升一成六，不過經營虧損收窄至３２億銀，今次份業績有得憧憬下？定擔心市場希望愈大失望愈大？宣布加碼回購機會大嗎？　　聽日（６日）《開市Ｇｏｏｄ　Ｍｏｒｎｉｎｇ》搵嚟國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝７ｇｄＮＡＹｖｈＮＥＱ打個卡先又得！

想要獨家投資理財Tips？即Like etnet 全新Facebook專頁► 立即讚好