26/04/2024 16:10
《開市Good Morning》溫傑周一講大市、紙股、航運股
《開市Good Morning》香江魚缸難得連升五日,全周累升1427點好醒神!多得今日最多過473點撐市,高位17758點再刷新年內高位,最終收升366點,收報17651點,成交躍升至1572億銀。不過俗稱牛熊分界線嘅250天線得而復失,後市仍未能斷言已轉「牛」?始終睇魚缸長線月線圖,50月已跌穿200月線,即係見超長線死亡交叉!魚缸今個星期又有無力維持升勢?外資未見大規模回籠,單靠北水撐市已成魚缸新常態? 本周城中熱話一定係「走塑」,最常見嘅替代品有紙餐具或包裝。雖然相關新聞連日發酵但又未見紙業股股價跟上,究竟點解呢?係紙企業務重心問題、定係原材料價格影響較大?人仔續弱對紙業股又有咩影響?要穩定返紙漿價格需具備咩條件? 多隻航運股下周一(29日)收市後放榜,中遠海能(01138)轉頭就會派成績表打響頭炮。紅海亂局已帶動成個航運板塊大幅反彈,孖屐係咪已消化船隻繞道嘅影響?即使局勢再惡化落去,航運股嘅升幅都難及以往?同業中邊份業績最值得期待? 下星期一《開市Good Morning》搵嚟凱基亞洲投資策略部主管溫傑,同大家分析上述股份及大市走勢!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=f0lHCKGYgEI 打個卡先又得!提提大家,我哋由已暫停喺Facebook直播,一齊集中喺YouTube交流互動,或者去etnet TV睇直播都得㗎!
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇