《魚缸博客》呢個月Ｇａｍｅ界大事，就係隻《黑神話：悟空》正式係８月２０日上線開賣，係Ｓｔｅａｍ平台顯示，一般版賣２９８，數位豪華版賣３９８，目前Ｓｔｅａｍ平台係「極度好評」，聽聞首日下載已經令到好多社區網絡癱瘓咁際，真係犀利。　　其實好少電腦平台Ｇａｍｅ有咁大氣勢，之前因為「ＳＷＥＥＴ　ＢＡＢＹ事件」（大家可以自行搜尋），已經免費為呢隻ＧＡＭＥ宣傳一波，而家開賣直接「一人一ＧＡＭＥ」。據聞呢間遊戲公司「遊戲科學」係騰訊前員工一齊出來搞，後來２０２１年騰訊都有分直接投資，不過投資幾多就唔清楚。　　騰訊近年來都係靠遊戲收入支持半壁江山，但好多遊戲已經玩到悶，之前好似「王者榮耀」、「食雞」咁，後作都無以為繼。而家見到隻《黑悟空》咁犀利，唔知騰訊捉到鹿會唔會脫角？　　騰訊近期股價都係浮沉係３７０元咁上下，如果真係炒呢波間接關係，可能試下買騰訊輪╱牛可能來得比較划算，有睇博客今日呢篇文，可以試下玩小小，分分鐘可以炒上頂！　《編者按》本欄搜羅即市傳聞，惟消息未經證實，《經濟通》亦不保證內容之準確性。

樂本健【年度感謝祭】維柏健及natural Factors全線2件7折► 了解詳情