人仔今早再度轉弱，香江魚缸日內跌幅最多擴大至２７５點，１０天線（現處１９４５３點）附近有支持，最終收市跌逾１８２點，報１９５６０點。北水繼周三（４日）錄逾百億流出後，再度轉為淨流入，惟對魚缸撐市力度有限？

　　美團（０３６９０）有份拖低大市，集團宣布新一輪架構調整，核心本地商業下到家研發平台、到店研發平台、美團平台技術部整合升級為「業務研發平台」，但股價收市仍要跌近４巴仙，早前公布嘅業績大致好過預期，但股價短期難擺脫弱勢？

　　據報比亞迪電子（００２８５）目前已組裝逾３成蘋果公司的ｉＰａｄ平板電腦，並為ｉＰｈｏｎｅ　Ｐｒｏ供應鈦合金框架，下個目標將與Ｎｖｉｄｉａ合作開發ＡＩ驅動機械人，未來增長空間樂觀？股價已拋離１０天線約一成，向上仲有幾多水位？短期可挑戰６月中高位４１﹒０５銀嗎？

　　聽日（６日）請來ｉＦＡＳＴ　Ｇｌｏｂａｌ　Ｍａｒｋｅｔｓ投資總監溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得８：５５ａｍ　昅實《經濟通》ＮｅｗｓＴＶ直播節目－－喇！或者ｃｌｉｃｋ入嚟ｈｔｔｐｓ：／／ｗｗｗ﹒ｙｏｕｔｕｂｅ﹒ｃｏｍ／ｗａｔｃｈ？ｖ＝ＭＣＳＴＱ８ＷＭｑＸｇ打個卡先又得！

【香港好去處】2026去邊最好玩？etnet為你提供全港最齊盛事活動，所有資訊盡在掌握！► 即睇