03/05/2024 16:57
《開市Good Morning》溫傑周一講科技股、蘋果概念股
《開市Good Morning》美元兌離岸人民幣跌穿7﹒2元關,帶領香江魚缸繼續向好,恒指早段一度高見18604點,創8個月新高,收市升268點,報18475點,成交喺缺乏北水下仍然達到1161億元,雖然大市暫時未有太大調整,但魚缸已連升9日,累計升幅近2000點,加上9天RSI達80﹒7,已屬嚴重超買,下周北水回歸會否趁高位食胡? 科技股為推動大市向上的火車頭,多隻科技股今日呈先高後低的走勢,商湯(00020)連升8日後率先回吐3巴仙,相對落後的股份,例如:阿里巴巴(09988)、百度(09888)及網易(09999),單日齊齊升逾4巴仙,反映升勢或將到水尾?部署beta值高的股份有甚麼要注意的地方?雖然蘋果(AAPL)第二季營收倒退,但營收及利潤均較市場預期好,刺激蘋果概念股普遍向上,舜宇光學(02382)升逾3巴仙;高偉電子(01415)及比亞迪電子(00285)分別升逾2巴仙及約2巴仙。舜宇除了供應產品給予蘋果外,亦為華為Pura70供應主鏡頭零件,股價仍有向上動力? 下星期一(6日)《開市Good Morning》搵嚟凱基亞洲投資策略部主管溫傑,同大家分析上述股份及大市走勢!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=1O9HaxuU5HU 打個卡先又得!提提大家,我哋由已暫停喺Facebook直播,一齊集中喺YouTube交流互動,或者去etnet TV睇直播都得㗎!
【你點睇】有健身中心宣布全線暫時結業,議員指巨額預繳式長約並不合理,你日後若「入會」會更留意邊方面?► 立即投票