《開市Ｇｏｏｄ　Ｍｏｒｎｉｎｇ》香江魚江有反彈，Ａ股及納指期貨同樣造好，恒指升幅最多擴大至近４００點，高見１７４００點半日高位，收復１０天線（約１７３２２點），不過未能重上２５０天線（１７４１６點），魚缸成交增加至１１８８億銀，惟恒指已連跌兩個月，暫時主要靠藍籌股業績撐起大市？只屬短線技術性反彈，整體下行趨勢不變？　　滙控（００００５）第二季列帳基準除稅前利潤８９﹒１億美元，按年升１﹒５巴仙，勝預期，收入按年下跌２億美元至１６５億美元，淨利息收益８２﹒６億美元，按年跌逾一成一，勝預期，預期信貸損失減少至３億美元。同時宣派季度息每股１０美仙，亦擬展開最多達３０億美元的股份回購，帶動股價績後飆逾４巴仙，反映曬業績利好因素未？股價上望空間仲有幾多？　　不過旗下同一時間出業績嘅恒生（０００１１）走勢就相反，收市更失埋紅底，恒生上半年除稅前溢利升３巴仙至１１３﹒１億銀，列帳溢利增１巴仙至９８﹒９億元，兼宣派第二次中期股息１﹒２銀，主要係６月底不良貸款比率增至５﹒３２巴仙出事？定係未見有新回購計劃，令孖屐失望？　　周四（１日）《開市Ｇｏｏｄ　Ｍｏｒｎｉｎｇ》請來國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｏＡＫｔＯＺＷＤｚＭｓ　打個卡先又得！

【你點睇？】《施政報告》提出醫療改革，盧寵茂表示日後普通科門診擬只接受弱勢群體，你是否支持？► 立即投票