《開市Ｇｏｏｄ　Ｍｏｒｎｉｎｇ》今個星期係超級議息周，日本央行率先公布議息結果，自１７年來首次宣布加息，將基準利率從負０﹒１厘上調至０至０﹒１厘，將改變亞洲區內資金流向，對香江魚缸利好作用又有幾大？除咗日本央行，孖屐重點都係要觀望聯儲局議息，Ｆｅｄ　Ｗａｔｃｈ利率期貨數據，３月同５月維持利率不變基本上係冇乜懸念，不過即將公布嘅點陣圖上，對減息次數及幅度預測會再保守啲？香江魚缸今日再回吐，失守１０、２０及１００天線，成交亦縮水至唔夠千億，整固格局等待聯儲局議息結果？　　重磅科技股小米（０１８１０）收市後將公布業績，券商普遍預測，據非國際財務報告準則計，去年第四季經調整淨利潤料介乎３８億至近４１億人仔，按年升１﹒６至１﹒８倍，收入按年增長５﹒２巴仙至逾一成六，孖屐關注手機業務付運情況、同業競爭、造車支出及小米汽車銷售策略及指引等，業績表現可憧憬？李寧（０２３３１）亦會放榜，料上年第四季出貨量仍疲弱，今年下半年銷售及股價難寄望可觸底反彈？　　聽日（２０日）《開市Ｇｏｏｄ　Ｍｏｒｎｉｎｇ》搵嚟資深財經分析師熊麗萍，同大家分析上述股份、大市走勢，同埋當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝Ｒ５ｑＦ０Ｘｋ８Ｌｕ４打個卡先又得！

【etnet 30周年】多重慶祝活動一浪接一浪，好禮連環賞！ ► 即睇詳情