19/03/2024 16:30
《開市Good Morning》熊麗萍講大市、業績股
《開市Good Morning》今個星期係超級議息周,日本央行率先公布議息結果,自17年來首次宣布加息,將基準利率從負0﹒1厘上調至0至0﹒1厘,將改變亞洲區內資金流向,對香江魚缸利好作用又有幾大?除咗日本央行,孖屐重點都係要觀望聯儲局議息,Fed Watch利率期貨數據,3月同5月維持利率不變基本上係冇乜懸念,不過即將公布嘅點陣圖上,對減息次數及幅度預測會再保守啲?香江魚缸今日再回吐,失守10、20及100天線,成交亦縮水至唔夠千億,整固格局等待聯儲局議息結果? 重磅科技股小米(01810)收市後將公布業績,券商普遍預測,據非國際財務報告準則計,去年第四季經調整淨利潤料介乎38億至近41億人仔,按年升1﹒6至1﹒8倍,收入按年增長5﹒2巴仙至逾一成六,孖屐關注手機業務付運情況、同業競爭、造車支出及小米汽車銷售策略及指引等,業績表現可憧憬?李寧(02331)亦會放榜,料上年第四季出貨量仍疲弱,今年下半年銷售及股價難寄望可觸底反彈? 聽日(20日)《開市Good Morning》搵嚟資深財經分析師熊麗萍,同大家分析上述股份、大市走勢,同埋當日嘅焦點股!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟 https:╱╱www﹒youtube﹒com╱watch?v=R5qF0Xk8Lu4打個卡先又得!
【慎防受騙】偽冒《經濟通》投資群組頻現,切勿誤信騙徒,如有疑問,請循官方渠道查詢► 了解詳情