《開市Ｇｏｏｄ　Ｍｏｒｎｉｎｇ》香江魚缸隔晚夜期同ＡＤＲ已偷步下跌，今日一度失守萬七大關，最多跌約２７０點，不過尾市跌幅收窄，收市亦重新企穩喺１７１００點樓上。目前恒指牛熊證街貨比例為６０比４０，喺１７０００至１７０９９點已經殺咗一批牛證，下一個重貨區下移至１６８００至１６８９９點，如果花旗國通脹數據差過預期，恒指好大機會再下試１６６００水平搵支持？　　兩大鋰礦龍頭天齊鋰業（０９６９６）和贛鋒鋰業（０１７７２）逆市向上，分別飆１３巴仙同９巴仙。瑞銀報告指，寧德時代已決定暫停在江西嘅鋰雲母業務，將會令神州碳酸鋰月產量減少８巴仙，減產消息可支持鋰價見底回升嗎？兩隻鋰業股今年以來已累跌逾四成，適宜撈底嗎？　　明天（１２日）《開市Ｇｏｏｄ　Ｍｏｒｎｉｎｇ》請來國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＥＹｘｎｗｋＪＶｎＰＱ打個卡先又得！

【香港好去處】etnet全新頻道盛大推出！全港最齊盛事活動資訊盡在掌握！► 即睇