05/03/2024 11:59
《魚缸博客》優必選入選港股通,北水熱炒炒機械人概念!
《魚缸博客》話說今日好多人講呢隻優必選(09880),皆因昨日正式被納入恒生綜合指數和恒生滬深港通大灣區綜合指數,並於今日起正式進入港股通證券名單,北水熱辣辣炒起,噚日都係收99﹒5,今日就已經變成紅底股,博客落筆個陣仲破緊頂高見119元。 優必選做乜產業?講起就架勢堂囉,CyberPunk個款-人形機械人。聽個名都覺得High Tech,不過香港人有句名言就係:「High Tech揩野,Low Tech撈野」,咁High Tech會唔會出事呢? 正所謂三十年河東,三十年河西,而家全個世界最搵錢邊個唔係做緊High Tech揩野?人形機械人都係遲早問題,例如幫人解決家務、解決寂寞、解決生活上一切困難,電影都做唔少啦。 不過股價催化劑就係英偉達宣布將於3月18日至21日召開GTC2024大會,據聞優必選都會參展,佢有新機械人「Walker S」,主要參與了門鎖質檢、車燈蓋板檢測、安全帶檢測、貼車標等工作,即係汽車業務發展,都好正路啦。 所以股價上到紅底,都係港股入面少有可以夾得上嘅股份,博客覺得佢都上左110關口,相信都企得穩百元位置,建議可以先撈一注,睇下北水會唔會加碼,升市莫估頂,股仔都一樣,衝啊! 《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】機管局獎勵航空公司增往來香港航線,措施能有效推動航空業復常?► 立即投票