《開市Ｇｏｏｄ　Ｍｏｒｎｉｎｇ》香江魚缸連跌第三日！數數手指已經回咗差唔多７７０點，當然以４月１９日開始計的最多３７００點升幅唔算多，不過從大市成交額的變動可以睇到，孖屐氣氛轉趨謹慎，日內連１８８００都穿埋，收市亦未重上１９０００關，反映調整或未完成。下關留意２０天線１８４００水平？如果話現時魚缸係開展健康回調唞下氣，即係長線升浪仲未完？提供機會畀投資者入場？　　科技股相繼出業績，今日收市後就輪到小米（０１８１０）同網易（０９９９９），兩隻績前都係先跌為敬，其中網易被大摩降評級至「與大市同步」，指隨著宏觀疲軟、更激烈的競爭，監管帶來的風險正在浮現。股價早前衝唔穿１７０元，已經暴跌２成有多，收市報１４１﹒５元，呢口價已經預先反映咗業績唔好的預期？　　至於據彭博綜合市場預測，料小米首季銷售有望錄得約２成的按年升幅，手機業務收入或有２５％以上增長。早前推出的新能源車ＳＵ７，利好作用可唔可以反映在首季業績上？小米於業績前隨大市向下，曾創１０日低位，跌定先反而唔驚見光死？　　聽日（２４日）《開市Ｇｏｏｄ　Ｍｏｒｎｉｎｇ》搵嚟ｉＦＡＳＴ　Ｇｌｏｂａｌ　Ｍａｒｋｅｔｓ副總裁溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝５Ｗ３ＦｘｓｇＶｃｋｏ　打個卡先又得！

【你點睇】立會議員為趕赴酒會合照，在財會上快速通過87億撥款► 立即投票