08/02/2024 16:38
《開市Good Morning》溫鋼城明日講「送兔迎龍」攻略
《開市Good Morning》香江魚缸又跌啦!今朝低開93點明明最多升11點,一度重上萬六關,可惜未能跟隨A股向好,反覆向下跌穿15900水平,收市勁跌203點報15878點,成交無睇頭得返777億銀。兔年得返半日市,想「兔」氣揚眉無乜可能,不過照咁睇魚缸隨市頹到「龍」時?面對AH魚缸持續疲弱,在農曆新年前再見中央積極表態支持,中央匯金將加大ETF增持力度及規範,對大市產生一定維穩作用,但長假後的政策利率安排都值得期待,年後再出招機會大唔大? 神州近排興起「賣樓換租屋」的趨勢,唔少35歲以上、原本係有樓一族的民眾,有感「揸Cash比磚頭更安心」而呢個情況在一線城市情況尤其明顯,理論上呢批民眾唔使再供樓後,可以釋放一部分消費力出來,對經濟反而有幫助? 據報國藥(01099)打算再度爭取將旗下中國中藥(00570)私有化,刺激中國中藥股價在星期二同三大幅拉升,今日仲停左牌,表示涉及收購合併事宜內幕消息。私有化理論上應該係好事?對公司業務發展影響又大唔大? 聽日(9日)《開市Good Morning》搵嚟iFAST Global Markets副總裁溫鋼城,同大家分析上述股份、大市走勢,當然唔少得分析其他焦點股份!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=jPpe5TFvGu8打個卡先又得!
【慎防受騙】偽冒《經濟通》投資群組頻現,切勿誤信騙徒,如有疑問,請循官方渠道查詢► 了解詳情