28/10/2020 17:30
《小傳日記》魚缸今低走，百天線失守；ＱＱ再破頂，科佬確係醒！
《小傳日記》孖屐繼續關注花旗國大選情況，隔晚美股三大指數升跌不一。香江魚缸低開１３點報２４７７３點。大象（００００５）回吐，噚日公布季績嘅平保（０２３１８）表現未令孖屐滿意，中港金融佬齊齊走低，大市跌幅最多擴大至２０１點見２４５８６點。午後美股三大指數期貨跌幅收窄，ＱＱ（００７００）再破頂，阿里（０９９８８）同小米（０１８１０）維持升勢，恆指最多倒升５７點，但收市仲跌７８點或０﹒３２％，報２４７０８點，失守百天線（２４７５１點），主板成交１３２６﹒２４億銀，多近２巴仙。國指收報９９６３點，跌３９點或近半巴仙。 科指跑贏大市，主要得益於指數權重股升勢唔錯，升１０８點或逾１巴仙，報７６５６點，破十天線（７６１０點）。 重磅藍戰士個別發展，生發發（００３８８）走高近４％，報３７７﹒６銀；建行（００９３９）無咗逾１巴仙，報５﹒５３銀；ＡＩＡ（０１２９９）升４格，報７６﹒６銀。 Ａ場兩市低開高走，上證綜指收報３２６９點，升１４點或半巴仙；深證成指收報１３３８８點，升１１８點或近１巴仙，總成交７３３１﹒５５億銀人仔，多一成六。
＊業務未反彈平保吸金難；三桶油續吐季績將報到＊
平保（０２３１８）公布今年頭三季成績表，純利按年無咗逾兩成，新業務價值挫逾２７巴仙，集團解釋線下面對面拜訪未恢復到疫情前水平，績後畀匯證下調他屐，收跪逾３巴仙，報８２銀。至於新華保險（０１３３６）頭三季純利跌近一成半，野村話佢表現符合預期，維持他屐同買入評級，微升１格，報３１﹒３銀。今日收市後出季績嘅有，國壽（０２６２８）軟近１巴仙，報１８﹒１２銀；人保（０１３３９）跣低近２巴仙，報２﹒３４銀；財險（０２３２８）撻低近４巴仙，報５﹒４銀。 喺颶風澤塔抵達墨西哥灣沿岸前，一啲能源企業率先暫停部分油產，帶動隔晚油價上漲，但喺亞洲時段１２月原油期貨價格有回吐，拖累三桶油走勢，中石化（００３８６）今日收市後出季績，先走低逾３巴仙，報３﹒０４銀；中石油（００８５７）同中海油服（０２８８３）聽日先出，分別走低近２巴仙，報２﹒２２銀；碌低逾２巴仙，報５﹒０８銀。中海油（００８８３）同Ｆ三星原油期（０３１７５）都無咗逾１巴仙，報７﹒２６銀同２﹒５８２銀。
＊ＱＱ終破頂科指佬普贏，花旗禁入場電訊佬撞牆＊ ＱＱ終於突破六百大關，午後最高見６０４銀創咗上市新高。麥格理升佢他屐去到８１５銀，話微信支付嘅估值同螞蟻有得Ｆｉｇｈｔ，難怪ＱＱ今日咁威威！ＱＱ收漲近３巴仙，報６０１銀。阿里巴巴今日都唔輸蝕，個仔螞蟻第一日招股孖展額就高達１９１４億銀，呀媽當然食住條水向上隊！阿里彈逾２巴仙，報３０７﹒４銀。江湖傳聞話神州直播業界就推出打賞規範，可能令打賞金額有影響，但京東（０９６１８）同網易（０９９９９）都未驚過繼續向上行，京東走上逾１巴仙，報３２１銀。網易飛逾３巴仙，報１３８﹒４銀。金蝶（００２６８）就慘豬，被佢主席減持套現逾６億，搞到收市唔見近４巴仙，報２０﹒５５銀。 話說花旗國參議院建議，唔俾黑名單華企去花旗孖屐做生意，中移動（００９４１）、中電信（００７２８）同中聯通（００７６２）都榜上有名，無計唯有齊齊腳軟！中移動撻低逾２巴仙，報４９﹒０５銀；中電信唔見逾２巴仙，報２﹒５５銀；中聯通就潛水近半成，報５﹒１６銀，做咗全日表現最差藍戰士。
＊太地再賣樓大古系唞唞，大象今回吐銀行佬煩惱＊
太古呢排係咁賣核心資產，今朝太古Ａ（０００１９）同太地（０１９７２）中途停牌，晏晝復牌仲公布依家同人Ｄｅａｌ緊太古城中心一座點賣，據聞有財團報價近１００億銀，孖屐都有啲擔心，太古Ａ走低兩格，報３６﹒７５銀；太古Ｂ（０００８７）同樣唔見兩格，報６﹒５銀。太地走落一格，報２０﹒５５銀。國泰（００２９３）工會今日同管理層開會，員工話資方完全唔聽同事訴求，雙方未就簽約期限同新合約內容達成共識，國泰跳落逾２巴仙，報５﹒４８銀。 大象噚日收漲近半成後，今日回吐逾３巴仙，加埋美銀話佢第三季度收入疲弱，雖然有機會派返保守息，但依家低息環境可能令財富管理同私人及商業銀行業務持續走軟。摩通都話佢利息收入壓力會持續，就算要買港銀都入渣打（０２８８８），話佢估值吸引啲。大象收市唔見逾３巴仙，報３２﹒６５銀；小象（０００１１）都軟逾１巴仙，報１２２﹒４銀。渣打被睇好都無用，跳落逾５巴仙，報３８﹒２銀。中銀（０２３８８）走落逾２巴仙，報２１﹒６５銀；東亞（０００２３）跌低唔夠半巴仙，報１４﹒０６銀。 其他焦點股份方面，萬洲（００２８８）係今日表現最好藍戰士，事關佢頭三季純利按年彈近９巴仙，收彈近７巴仙，報６﹒６７銀。股壇長毛Ｄａｖｉｄ Ｗｅｂｂ增持安樂工程（０１９７７），話覺得公司實際政治風險唔高喎，個價飛近６巴仙，報１﹒１２銀。信置（０００８３）主席黃志祥見記者，話冇考慮私有化同回購，不過出年可能派特別息慶祝５０周年，而孖屐似乎唔多受落，跌逾１巴仙，報９﹒６８銀。滔博（０６１１０）收入同純利都按年下挫，但有特別息派，高開低走收近４巴仙，報１０﹒３銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊業務未反彈平保吸金難；三桶油續吐季績將報到＊
平保（０２３１８）公布今年頭三季成績表，純利按年無咗逾兩成，新業務價值挫逾２７巴仙，集團解釋線下面對面拜訪未恢復到疫情前水平，績後畀匯證下調他屐，收跪逾３巴仙，報８２銀。至於新華保險（０１３３６）頭三季純利跌近一成半，野村話佢表現符合預期，維持他屐同買入評級，微升１格，報３１﹒３銀。今日收市後出季績嘅有，國壽（０２６２８）軟近１巴仙，報１８﹒１２銀；人保（０１３３９）跣低近２巴仙，報２﹒３４銀；財險（０２３２８）撻低近４巴仙，報５﹒４銀。 喺颶風澤塔抵達墨西哥灣沿岸前，一啲能源企業率先暫停部分油產，帶動隔晚油價上漲，但喺亞洲時段１２月原油期貨價格有回吐，拖累三桶油走勢，中石化（００３８６）今日收市後出季績，先走低逾３巴仙，報３﹒０４銀；中石油（００８５７）同中海油服（０２８８３）聽日先出，分別走低近２巴仙，報２﹒２２銀；碌低逾２巴仙，報５﹒０８銀。中海油（００８８３）同Ｆ三星原油期（０３１７５）都無咗逾１巴仙，報７﹒２６銀同２﹒５８２銀。
＊ＱＱ終破頂科指佬普贏，花旗禁入場電訊佬撞牆＊ ＱＱ終於突破六百大關，午後最高見６０４銀創咗上市新高。麥格理升佢他屐去到８１５銀，話微信支付嘅估值同螞蟻有得Ｆｉｇｈｔ，難怪ＱＱ今日咁威威！ＱＱ收漲近３巴仙，報６０１銀。阿里巴巴今日都唔輸蝕，個仔螞蟻第一日招股孖展額就高達１９１４億銀，呀媽當然食住條水向上隊！阿里彈逾２巴仙，報３０７﹒４銀。江湖傳聞話神州直播業界就推出打賞規範，可能令打賞金額有影響，但京東（０９６１８）同網易（０９９９９）都未驚過繼續向上行，京東走上逾１巴仙，報３２１銀。網易飛逾３巴仙，報１３８﹒４銀。金蝶（００２６８）就慘豬，被佢主席減持套現逾６億，搞到收市唔見近４巴仙，報２０﹒５５銀。 話說花旗國參議院建議，唔俾黑名單華企去花旗孖屐做生意，中移動（００９４１）、中電信（００７２８）同中聯通（００７６２）都榜上有名，無計唯有齊齊腳軟！中移動撻低逾２巴仙，報４９﹒０５銀；中電信唔見逾２巴仙，報２﹒５５銀；中聯通就潛水近半成，報５﹒１６銀，做咗全日表現最差藍戰士。
＊太地再賣樓大古系唞唞，大象今回吐銀行佬煩惱＊
太古呢排係咁賣核心資產，今朝太古Ａ（０００１９）同太地（０１９７２）中途停牌，晏晝復牌仲公布依家同人Ｄｅａｌ緊太古城中心一座點賣，據聞有財團報價近１００億銀，孖屐都有啲擔心，太古Ａ走低兩格，報３６﹒７５銀；太古Ｂ（０００８７）同樣唔見兩格，報６﹒５銀。太地走落一格，報２０﹒５５銀。國泰（００２９３）工會今日同管理層開會，員工話資方完全唔聽同事訴求，雙方未就簽約期限同新合約內容達成共識，國泰跳落逾２巴仙，報５﹒４８銀。 大象噚日收漲近半成後，今日回吐逾３巴仙，加埋美銀話佢第三季度收入疲弱，雖然有機會派返保守息，但依家低息環境可能令財富管理同私人及商業銀行業務持續走軟。摩通都話佢利息收入壓力會持續，就算要買港銀都入渣打（０２８８８），話佢估值吸引啲。大象收市唔見逾３巴仙，報３２﹒６５銀；小象（０００１１）都軟逾１巴仙，報１２２﹒４銀。渣打被睇好都無用，跳落逾５巴仙，報３８﹒２銀。中銀（０２３８８）走落逾２巴仙，報２１﹒６５銀；東亞（０００２３）跌低唔夠半巴仙，報１４﹒０６銀。 其他焦點股份方面，萬洲（００２８８）係今日表現最好藍戰士，事關佢頭三季純利按年彈近９巴仙，收彈近７巴仙，報６﹒６７銀。股壇長毛Ｄａｖｉｄ Ｗｅｂｂ增持安樂工程（０１９７７），話覺得公司實際政治風險唔高喎，個價飛近６巴仙，報１﹒１２銀。信置（０００８３）主席黃志祥見記者，話冇考慮私有化同回購，不過出年可能派特別息慶祝５０周年，而孖屐似乎唔多受落，跌逾１巴仙，報９﹒６８銀。滔博（０６１１０）收入同純利都按年下挫，但有特別息派，高開低走收近４巴仙，報１０﹒３銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
【與拍賣官看藝術】收藏界遺珠？超現實主義藝術家林飛龍注入拉美元素！► 即睇