《開市Ｇｏｏｄ　Ｍｏｒｎｉｎｇ》香江魚缸爭氣！今日連升第三日，日內最多升過３８８點，高見１７２１７點。最終收市升３７２點，升幅逾兩巴仙，收報１７２０１點，成交更回升至近千三億銀。不過上試１７２００點水平後，有無力企得穩先係關鍵。「三頂」突破嘅同時，孖屐追捧返落後股份，例如聯想（００９９２）、李寧（０２３３１）同快手（０１０２４）同衝高，預計仲有幾多追落後空間？今日連二線新經濟股都跑出，資金開始輪動到咩板塊？　　今日幾個市場焦點都關ＡＩ事，包括今日新市嘅出門問問（０２４３８）原來有個朵，叫做「港股ＡＩＧＣ第一股」！不過上市首日一度落過去３蚊樓下，即係比上市價３﹒８１銀足足低逾兩成一！新股表現差，轉睇商湯（０００２０）又點睇？日內升過三成六，夠叻仔啦！不過叻唔夠半日就暫停交易，話等公司進一步刊登相關公告，事竟係咩事呢？不過單日爆升都唔使咁開心，以前都試過爆升啦，但好快都調頭向下。「ＡＩＧＣ」即生成式人工智能，點解已成兵家必爭之地？現時有咩公司已擁有此等技術？　　　新能源車企價格戰不斷，有大行預計神州新能源車龍頭比亞迪（０１２１１）最多只可減多一皮，再咁落去最快今年就無錢賺。連龍頭都有頂唔住嘅風險，成行點算呀？內憂外患夾擊，似乎要加速汰弱留強先可以挽救成個車企行業？　　聽日（２５日）《開市Ｇｏｏｄ　Ｍｏｒｎｉｎｇ》搵嚟國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＮｊＤｚＫＱＶｒｋ３０打個卡先又得！提提大家，我哋已暫停喺Ｆａｃｅｂｏｏｋ直播，一齊集中喺ＹｏｕＴｕｂｅ交流互動，或者去ｅｔｎｅｔ　ＴＶ睇直播都得㗎！

【與拍賣官看藝術】東南亞藝術市場是下一個熱點？一探各地獨特及吸引之處！► 即睇