21/03/2024 11:59
《魚缸博客》聖諾醫藥兩大股東被平倉,股價反彈有望?
《魚缸博客》市場好多人都等錢使,通常都係拎自己股份去抵押,或者做大孖展,加上個市氣氛麻麻,所以唔係好多人有錢補倉,剛好隻聖諾醫藥就係例子。 3月18日,聖諾醫藥發布公告表示,董事會於3月17日獲執行董事戴曉暢知會,其持有的約佔已發行股份總數0﹒11%的9﹒95萬股已於3月15日被強制出售,原因是在發出按金補繳要求後未獲滿足。戴曉暢是聖諾醫藥執行董事兼首席戰略官,為公司第二大股東。 值得關注係,此次股份被強制出售後,戴曉暢仲持有聖諾醫藥782﹒84萬股,但其中的664﹒05萬股股份,目前作為個人融資的抵押品存放於金融機構的證券賬戶,約佔公司已發行股份總數7﹒58%。 即係話,其實大股東大部分股份都拎去抵押套現。認真講句,就算債主如果到期日沽晒股份套現都無咩用。醫藥股呢類需要核心技術人才,公司最值錢除左專利藥品或者技術,邊個控股先係重點。 公司股價歷史高峰見過101蚊,而家得返10蚊唔夠,基本上蒸發九成,不過唔係無得炒,今日股價反彈兩成半,即係市場覺得見底可以炒反彈。如果有多餘錢可以玩小小炒上落都Ok,反正而家睇上去鑊氣幾重。 《編者按》本欄搜羅即市傳聞,惟消息未經證實,《經濟通》亦不保證內容之準確性。
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇