《魚缸博客》話說呢期好多公司趁個市弱弱地又平平地，就拎錢出嚟回購股份，成本平又抬股價，年尾如果派息又分多啲，真係一舉三得。不過好似歌禮制藥（０１６７２）咁，抬到股價裂口高開就真係少見。　　其實歌禮股價確實被低估一段時間，由均價兩個幾跌到落最低見過１﹒２４銀，其實跌唔係因為公司業績或者業務唔好，純粹係跟市跌，所以從公司基本面觀看，而家反而係有位俾人買入。　　另外有個唔知算唔算消息嘅消息，就係歌禮外國合作夥伴Ｓａｇｉｍｅｔ係舊年美國上市之後，近期公司有新消息指，公司報告了其主要候選藥物Ｄｅｎｉｆａｎｓｔａｔ在某些非酒精性脂肪性肝炎（ＮＡＳＨ）慢性肝病患者中進行的２ｂ期研究的積極結果，刺激Ｓａｇｉｍｅｔ股價暴升１７０％，呢個都可能令歌禮上揚嘅原因。　　光大證券報告指，歌禮制藥（發布ＮＡＳＨ治療藥物ＡＳＣ４１　ＩＩ期臨床試驗的積極期中結果，該藥物為甲狀腺激素受體　激動劑。接受ＡＳＣ４１治療的患者中，只有兩名患者（２╱２８，７﹒１％）出現藥物相關２級不良反應，未觀察到３級或更高級別的不良事件，展現出藥物良好的胃腸道耐受性。該行指，公司在ＮＡＳＨ賽道布局積極，進度處於全球前列，維持２３－２５年淨利潤預測為－２﹒０４╱－２﹒８４╱－３﹒４０億元，維持「買入」評級。　　公司股價距離兩蚊都仲有一段距離，建議分注買入，而家入場後，如果跌穿１﹒５銀就可以考慮溝貨，如果升穩兩蚊以上，睇表演就ＯＫ啦。（ｕｌ）　《編者按》本欄搜羅即市傳聞，惟消息未經證實，《經濟通》亦不保證內容之準確性。

夏日中暑高風險！即睇中暑迷思＋預防措施！► 立即了解