20/06/2024 11:59
《魚缸博客》南南資源虧轉盈,股價有機會繼續向上炒!
《魚缸博客》博客都好耐未睇過資源股,剛巧有隻南南資源(01229)就快出業績,不過出業績前有個預告:預期截至3月31日止年度除稅後溢利約不少於3600萬元,去年度虧損5904萬元。 集團解釋,轉虧為盈因利主因於2008年發行本金總額為2億元的零票息可換股債券公平值收益約6279萬元,該公平值變動因該集團股價下跌。該集團預期收益約1﹒1億元,減少約51﹒62%,預期毛利約4314萬元,減少約67﹒77%。 詳細如何,都要睇業績出爐先可以決定,不過簡單來講呢次虧轉盈係因為可換股債券個到搵到食,但本業賣煤個邊有乜數番呢?博客就覺得可以賭一鋪大細。 公司業務都好廣泛,從開採煤礦到再生資源都有做,凡係做資源都係差極有個譜,早兩年公司股價炒到上一蚊幾,係今時今日呢個沉悶股市,呢種細價股真係最好炒。 博客建議現價入一注,假如跌穿兩毫可以試下撈,第一關目標位係三毫,企穩唔跌可以考慮繼續持有,如果見勢回頭就要先食胡,毫半紙係鐵底,跌穿就無謂防守啦! 《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】機管局獎勵航空公司增往來香港航線,措施能有效推動航空業復常?► 立即投票