21/02/2018 18:00
《小傳日記》ＱＱ夠英勇，錢莊見追捧；金犬終瞓醒，汪汪招大財！
《小傳日記》花旗國十年期國債收益率又再一次升近３厘，加上零售大佬沃爾瑪舊年第四季業績唔多掂，股價急瀉咗超過一成，搞到道指都冇運行，跌咗２５４點，再一次守唔住二萬五，報２４９６４。雖然香江魚缸一向都好受到花旗國影響，但夜期同ＡＤＲ一齊造好，香江呢邊今朝（２１日）一開工就彈起１７６點，冇幾耐升幅一度縮水至只有１２點，全日低見３０８８５。但低位買盤不絕喺咁掃中資金融佬，魚缸愈升愈有，中午埋單升咗２７９點。食完個Ｌｕｎｃｈ返嚟，唔少神州錢莊更加係彈起超過兩巴仙，加上ＱＱ（００７００）喺尾市發發威抽升近３巴仙，魚缸最多升咗６０４點高見３１４７７，最後埋單計都有５５８點進帳，幅度有１﹒８個巴仙，報３１４３１。國指就升咗２９０點，幅度有逾兩巴仙，報１２６８６。 今日除咗有神州錢莊撐市，大象（００００５）同小象（０００１１）都畀大摩支摩笛吹起，各維持增持評級，而細摩仲預計大象今年會再搞回購。大小象全日一洗噚日嘅頹風，分別跳起近１巴仙同兩巴仙，報８１﹒６銀同１９２﹒５銀。 不過，睇嚟仲有唔少缸友仲未放完假，加上神州缸友聽日（２２日）先正式復工，魚缸全日主板成交竟然唔夠一千億銀，只有９６８億銀，較噚日少咗超過一成。
＊錢莊跳彈床缸友嗒晒糖，紐期油走高三桶油叫好＊
雖然神州錢莊佬仲未有北水嘅支持，但今日都非常有力兼嚟個大反擊！建行（００９３９）同中行（０３９８８）飛起近３巴仙，報８﹒５６銀同４﹒４２銀；街坊農行（０１２８８）仲犀利，完場時升咗超過４巴仙，報４﹒４９銀；工行（０１３９８）亦唔輸蝕，全日剷高逾３巴仙，報７﹒１１銀。聽日Ａ場就正式開工，錢莊佬有望再炒多一轉。 花旗國石油庫存下降，加上「孖屐」憧憬產油國朋友仔會繼續合作，紐約期油連升咗四日，但美金反彈就搞到布蘭特期油跌咗０﹒６巴仙，報６５﹒２５美元。油價個別發展，三桶油照樣落鑊，而且仲愈升愈多，中石化（００３８６）率先跑出，全日飛起近４巴仙，盤中高見６﹒４７銀，最終以６﹒４２銀埋單；中石油（００８５７）亦升近３巴仙，埋單報５﹒５７銀；中海油（００８８３）雖然噚日獲富瑞支持叫大家可以繼續「入貨」，「他屐」維持１６﹒２５銀不變，但噚日腳軟兼跌穿埋十天線。不過，中海油今日終於生生性性跟同行一齊彈起，最終全日升約３巴仙，埋單報１１﹒６４銀，收復返條十天線。 ＊明星佬甦醒閱文氣勢勁，易鑫好生猛雷蛇向上攀＊
香江孖屐如此旺盛，缸友仍對呢班過氣「明星佬」不離不棄，呢班「明星」亦齊齊借勢炒起，勢頭相當厲害！先係有「史上第二大凍資王」之稱嘅閱文（００７７２）全日跳高約４巴仙，突破埋廿天線（約７８﹒３銀）添呀，報７９﹒３銀。閱文最省鏡嘅時候雖然曾經高見１１０蚊，但現價都仲較招親價５５蚊高出逾四成。 有股王ＱＱ坐鎮嘅易鑫（０２８５８）今日彈起超過６巴仙，報６﹒３１銀。雖然易鑫今日日表現都算幾架勢，但易鑫喺舊年１１月入缸後就一直潛水，搞到唔少缸友成手蟹貨，現價距離招親價７﹒７銀相差超過１８巴仙，返家鄉嘅日子依然遙遙無期呀。 「李超人」有份投資嘅雷蛇（０１３３７），今日表現就最標青，全日坐火箭升咗２３個巴仙，報３﹒６９銀，只不過今日升得點勁都好，現價仲係招親價３﹒８８銀以下潛水。 最早入缸嘅眾安在綫（０６０６０）今日都借勢炒起超過３巴仙，報６９銀。眾安喺舊年９月尾入缸之後一度炒上至９７﹒８銀，離「紅底」關只係一步之遙，惟之後挑戰唔成功之餘，仲要一直插水，現價離山頂位相差足足近三成，高位入貨嘅缸友真係欲哭無淚。
＊彌明再急升靚到閃星星，騰邦好精靈萬嘉升兩成＊
真正由明星主席揸Ｆｉｔ嘅彌明生活百貨（０８４７３），今再急升４８巴仙收報０﹒５７銀，成為今日最好表現嘅魚毛，比招親價０﹒２７銀高出一倍有多。其他半新丁魚毛中，萬嘉（００４０１）亦同樣落鑊，佢今日繼續畀缸友掃貨，最後全日開心彈高約２１巴仙，報０﹒２０５銀，勁！ 鴻運當頭嘅仲有騰邦（０６８８０），佢喺上個禮拜一（１２號）發盈喜，仲話受惠深圳市騰邦價值鏈股份，同埋附屬公司帶來嘅溢利貢獻，因此預計舊年賺多超過五成，叻！其後佢就一直Ｋｅｅｐ住爆升啦，收市飆高近１６巴仙，報２﹒４３銀，計埋今日已經連升咗六日，加加埋埋有超過４２巴仙進帳！
＊披繩打八折超威急急跌，賭收料慘情美高梅照升＊
超威動力（００９５１）打咗近八折向六位買家「披繩」抽水，抽咗近６億大銀，但缸友唔多俾面兼掟貨以示不滿，今日裂口低開低見４﹒９１銀，全日插近１１巴仙，最終４﹒８７銀埋單。 神州新能源砵砵車一哥比亞迪（０１２１１）就威水喇，雖然繼續畀大華繼顯唱衰，維持「掟貨」評級，仲將「他屐」減咗５蚊至３７蚊，不過迪仔依然走強，延續過去五日嘅升勢，今日再彈起２巴仙，收報７３﹒９銀，六日加埋升咗近１１巴仙，勁！ 雖然瑞信估計２月馬交賭收差過預期，但美高梅（０２２８２）就有野村護航，唱好佢啱啱開幕嘅路氹項目營運起步會好過預期，「他屐」畀４０蚊，叫缸友快啲趁機「入貨」，美高梅今日最高起飛上到２４﹒２銀，收市報２３﹒７５銀，全日漲１﹒５巴仙。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊錢莊跳彈床缸友嗒晒糖，紐期油走高三桶油叫好＊
雖然神州錢莊佬仲未有北水嘅支持，但今日都非常有力兼嚟個大反擊！建行（００９３９）同中行（０３９８８）飛起近３巴仙，報８﹒５６銀同４﹒４２銀；街坊農行（０１２８８）仲犀利，完場時升咗超過４巴仙，報４﹒４９銀；工行（０１３９８）亦唔輸蝕，全日剷高逾３巴仙，報７﹒１１銀。聽日Ａ場就正式開工，錢莊佬有望再炒多一轉。 花旗國石油庫存下降，加上「孖屐」憧憬產油國朋友仔會繼續合作，紐約期油連升咗四日，但美金反彈就搞到布蘭特期油跌咗０﹒６巴仙，報６５﹒２５美元。油價個別發展，三桶油照樣落鑊，而且仲愈升愈多，中石化（００３８６）率先跑出，全日飛起近４巴仙，盤中高見６﹒４７銀，最終以６﹒４２銀埋單；中石油（００８５７）亦升近３巴仙，埋單報５﹒５７銀；中海油（００８８３）雖然噚日獲富瑞支持叫大家可以繼續「入貨」，「他屐」維持１６﹒２５銀不變，但噚日腳軟兼跌穿埋十天線。不過，中海油今日終於生生性性跟同行一齊彈起，最終全日升約３巴仙，埋單報１１﹒６４銀，收復返條十天線。 ＊明星佬甦醒閱文氣勢勁，易鑫好生猛雷蛇向上攀＊
香江孖屐如此旺盛，缸友仍對呢班過氣「明星佬」不離不棄，呢班「明星」亦齊齊借勢炒起，勢頭相當厲害！先係有「史上第二大凍資王」之稱嘅閱文（００７７２）全日跳高約４巴仙，突破埋廿天線（約７８﹒３銀）添呀，報７９﹒３銀。閱文最省鏡嘅時候雖然曾經高見１１０蚊，但現價都仲較招親價５５蚊高出逾四成。 有股王ＱＱ坐鎮嘅易鑫（０２８５８）今日彈起超過６巴仙，報６﹒３１銀。雖然易鑫今日日表現都算幾架勢，但易鑫喺舊年１１月入缸後就一直潛水，搞到唔少缸友成手蟹貨，現價距離招親價７﹒７銀相差超過１８巴仙，返家鄉嘅日子依然遙遙無期呀。 「李超人」有份投資嘅雷蛇（０１３３７），今日表現就最標青，全日坐火箭升咗２３個巴仙，報３﹒６９銀，只不過今日升得點勁都好，現價仲係招親價３﹒８８銀以下潛水。 最早入缸嘅眾安在綫（０６０６０）今日都借勢炒起超過３巴仙，報６９銀。眾安喺舊年９月尾入缸之後一度炒上至９７﹒８銀，離「紅底」關只係一步之遙，惟之後挑戰唔成功之餘，仲要一直插水，現價離山頂位相差足足近三成，高位入貨嘅缸友真係欲哭無淚。
＊彌明再急升靚到閃星星，騰邦好精靈萬嘉升兩成＊
真正由明星主席揸Ｆｉｔ嘅彌明生活百貨（０８４７３），今再急升４８巴仙收報０﹒５７銀，成為今日最好表現嘅魚毛，比招親價０﹒２７銀高出一倍有多。其他半新丁魚毛中，萬嘉（００４０１）亦同樣落鑊，佢今日繼續畀缸友掃貨，最後全日開心彈高約２１巴仙，報０﹒２０５銀，勁！ 鴻運當頭嘅仲有騰邦（０６８８０），佢喺上個禮拜一（１２號）發盈喜，仲話受惠深圳市騰邦價值鏈股份，同埋附屬公司帶來嘅溢利貢獻，因此預計舊年賺多超過五成，叻！其後佢就一直Ｋｅｅｐ住爆升啦，收市飆高近１６巴仙，報２﹒４３銀，計埋今日已經連升咗六日，加加埋埋有超過４２巴仙進帳！
＊披繩打八折超威急急跌，賭收料慘情美高梅照升＊
超威動力（００９５１）打咗近八折向六位買家「披繩」抽水，抽咗近６億大銀，但缸友唔多俾面兼掟貨以示不滿，今日裂口低開低見４﹒９１銀，全日插近１１巴仙，最終４﹒８７銀埋單。 神州新能源砵砵車一哥比亞迪（０１２１１）就威水喇，雖然繼續畀大華繼顯唱衰，維持「掟貨」評級，仲將「他屐」減咗５蚊至３７蚊，不過迪仔依然走強，延續過去五日嘅升勢，今日再彈起２巴仙，收報７３﹒９銀，六日加埋升咗近１１巴仙，勁！ 雖然瑞信估計２月馬交賭收差過預期，但美高梅（０２２８２）就有野村護航，唱好佢啱啱開幕嘅路氹項目營運起步會好過預期，「他屐」畀４０蚊，叫缸友快啲趁機「入貨」，美高梅今日最高起飛上到２４﹒２銀，收市報２３﹒７５銀，全日漲１﹒５巴仙。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
【與拍賣官看藝術】收藏界遺珠？超現實主義藝術家林飛龍注入拉美元素！► 即睇