《開市Ｇｏｏｄ　Ｍｏｒｎｉｎｇ》人行連續第１４個月超額續做ＭＬＦ，續作９９５０億元人仔一年期ＭＬＦ淨投放創歷史新高，利率出乎孖屐預期持平於２﹒５厘，連續５個月保持不變，似乎對周六（２０日）下調ＬＰＲ利率難有太大憧憬？香江魚缸微跌２８點收市，目前萬六點暫有支持？周三（１７日）出爐嘅神州三頭馬車數據，會如何左右大市去向？　　神州電動車股繼續受壓，事源龍頭Ｔｅｓｌａ在神州又減價，新一代Ｍｏｄｅｌ　３後輪驅動煥新版售價減至唔使２５萬銀，Ｔｅｓｌａ一減價，就算係神州龍頭車企比亞迪（０１２１１）都要跟住減，勢必會打擊其他新能源車企利潤率？始終價格戰持續逾一年，其他車企特別係賣一架蝕一架嘅蔚來（０９８６６），同仍虧損緊嘅零跑（０９８６３），仲有冇本錢同龍頭鬥燒錢？另外，彭博引述消息指，華晨中國（０１１１４）最大股東考慮籌資方案之一包括出售與寶馬公司合資企業２５％的股份。華晨寶馬係華晨中國最有價值嘅資產，點睇呢單交易？對股價只會有短暫影響？　　聽日（１６日）《開市Ｇｏｏｄ　Ｍｏｒｎｉｎｇ》搵嚟輝立證券董事黃瑋傑，同大家分析上述股份及大市走勢！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝Ｄｉ６ＫｋｗＷｍＱｋＹ　打個卡先又得！

【你點睇】拜登宣布競逐連任，若民主黨讓賀錦麗代替參選會否有效爭取選票？► 立即投票