19/09/2018 11:31
《古臣周記-古臣》金融海嘯十周年給投資者8個慘痛啟示(下)
《古臣周記》承自上星期阿臣講咗金融海嘯嘅緣由,8個慘痛啟示寫咗一半後,今集講埋餘下一半,焦點主要放喺香江,可能大家都有共鳴。
*啟示五:投資最忌感情用事*
相信唔少股民都記得,金融海嘯之後,匯控(00005)嘅2009年世紀供股,以12供5向股東集資。事後好多人分析其實以呢種「質數供股法」向股東伸手集資,令到眾多散戶成手碎股。阿臣回帶睇返當年港台節目《議事論事》,訪問過一個散戶對供股嘅睇法,佢就話好後悔「同股票談戀愛已經做錯咗,仲走去結婚就更加做錯」。聽返好多老一輩股民講,因為手持匯豐逾數十年,而唔捨得放,到金融海嘯跌到低位33蚊嘅時候,又覺得好唔抵,最後一眾散戶當然都要「焗供」啦。 *啟示六:分注買入降低風險* 正如阿臣上星期所講,一個大浪殺到嚟,其實都無處可逃,不過面對好難迴避嘅風險,都可以有好D嘅選擇,將損失減到最少。舉盈富基金(02800)為例子,如果喺2007年高位入貨,當時股價31﹒4銀,要到今年年頭先返到家鄉,但係如果採用「月供股票」嘅方法,即係喺特定日期以相等資金按市價買入股數(股價升就買少啲,反之亦然),以「平均成本法」減低市場短期波動嘅困擾,令投資者可以平衡整體投資效益。再以盈富為例,如果由2007年高位開始以「月供」方式入貨,每個月供1000蚊,唔計股息,喺2009年6月已經返到家鄉。 *啟示七:長揸唔代表唔使理* 阿臣成日同幾個同輩交流投資心得,發現近年有一個好奇怪嘅現象,或者係因為近年多咗傳媒報道,長期持有某類股票可以獲得豐厚嘅回報,以致當股價開始下跌,佢哋就會以一種「扑暈自己十年,再睇股價」、「藍籌股唔怕」嘅心態去面,雖然阿臣都明白部分人其實都係講吓笑,不過又睇返十年前恆指成份股組合,好多「股王」都已經風光不再,好似當年思捷環球(00330)貴為一代股王,若果最高位買到依家跌咗成九成九。其實好多股票嘅基本面可以好快改變,如果以唔理嘅心態去對待投資,就會好形容觸礁。 *啟示八:「股神」跟買唔過*
阿臣因為搜集資料,睇返金融海嘯前嘅報道,當年一堆一堆「股神」都被捧咗出嚟,佢地喺金融海嘯前當然都準確預測喇,不過學「真正股神」巴菲特話「潮退先知邊個無着泳褲」。當時多好「股神」不斷發放樂觀情緒,仲話恆指可以上試35000點,不過海浪一到,好多「股神」都做咗坐艇大戶。其實,小投資買股靠自己落功夫較好,盲跟名人入貨,都未必能夠獲利,加上大戶手執千金,所謂「本多終勝」就算要返本都唔難,但一眾散戶一輸,就血本無歸喇,所以都係自己做功課研究股票好過,否則都係不沾手為妙啊!
*騰訊靠穩,望上330斬纜*
講返阿臣個倉。 大市氣氛麻麻地,下星期一(24日)花旗國會對神州落實10%關稅,而神州都表明會還擊,所以古臣認為貿易戰談判成功嘅機會唔大,雖然噚日(18日)國家隊維穩救市,加上人行放水,刺激港股由跌轉為倒升,但中長線嚟睇,由於貿易戰仍持續醞釀,而且阿臣覺得維持現狀置多,陰乾式下跌在所難免。 至於阿臣手上嘅股份,如上星期講大市氣氛唔好,騰訊(00700)捱沽,但靠回購令股價暫時靠穩,但距離330銀關口仲有一段距離,未到沽貨斬纜時機,而市況仍未明朗化下,部份資金流入公用股,好似粵海投資(00270),防守力幾強,阿臣當然揸住唔放喇。 表列截至9月19日(11:15am止)投資組合表現:
股份 股數 平均買入價 現價 總值 ---------------------------------------- 港股: 騰訊 100股 362﹒00元 325﹒20元 32520元 寶勝 10000股 1﹒56元 1﹒52元 15200元 粵海投資 2000股 13﹒00元 13﹒82元 27640元 領展 500股 75﹒35元 76﹒05元 38025元 ----------------------------------------
股票市值 : 113385元 剩餘現金 : 39803元 組合淨值 : 153188元
組合本月收益表現: - 1﹒8%(截至上月底止組合淨值:156043元) 組合累計收益表現: + 45﹒9%(本金105000元計)(2016年8月開倉)
*數據截至今日11:15am
*啟示五:投資最忌感情用事*
相信唔少股民都記得,金融海嘯之後,匯控(00005)嘅2009年世紀供股,以12供5向股東集資。事後好多人分析其實以呢種「質數供股法」向股東伸手集資,令到眾多散戶成手碎股。阿臣回帶睇返當年港台節目《議事論事》,訪問過一個散戶對供股嘅睇法,佢就話好後悔「同股票談戀愛已經做錯咗,仲走去結婚就更加做錯」。聽返好多老一輩股民講,因為手持匯豐逾數十年,而唔捨得放,到金融海嘯跌到低位33蚊嘅時候,又覺得好唔抵,最後一眾散戶當然都要「焗供」啦。 *啟示六:分注買入降低風險* 正如阿臣上星期所講,一個大浪殺到嚟,其實都無處可逃,不過面對好難迴避嘅風險,都可以有好D嘅選擇,將損失減到最少。舉盈富基金(02800)為例子,如果喺2007年高位入貨,當時股價31﹒4銀,要到今年年頭先返到家鄉,但係如果採用「月供股票」嘅方法,即係喺特定日期以相等資金按市價買入股數(股價升就買少啲,反之亦然),以「平均成本法」減低市場短期波動嘅困擾,令投資者可以平衡整體投資效益。再以盈富為例,如果由2007年高位開始以「月供」方式入貨,每個月供1000蚊,唔計股息,喺2009年6月已經返到家鄉。 *啟示七:長揸唔代表唔使理* 阿臣成日同幾個同輩交流投資心得,發現近年有一個好奇怪嘅現象,或者係因為近年多咗傳媒報道,長期持有某類股票可以獲得豐厚嘅回報,以致當股價開始下跌,佢哋就會以一種「扑暈自己十年,再睇股價」、「藍籌股唔怕」嘅心態去面,雖然阿臣都明白部分人其實都係講吓笑,不過又睇返十年前恆指成份股組合,好多「股王」都已經風光不再,好似當年思捷環球(00330)貴為一代股王,若果最高位買到依家跌咗成九成九。其實好多股票嘅基本面可以好快改變,如果以唔理嘅心態去對待投資,就會好形容觸礁。 *啟示八:「股神」跟買唔過*
阿臣因為搜集資料,睇返金融海嘯前嘅報道,當年一堆一堆「股神」都被捧咗出嚟,佢地喺金融海嘯前當然都準確預測喇,不過學「真正股神」巴菲特話「潮退先知邊個無着泳褲」。當時多好「股神」不斷發放樂觀情緒,仲話恆指可以上試35000點,不過海浪一到,好多「股神」都做咗坐艇大戶。其實,小投資買股靠自己落功夫較好,盲跟名人入貨,都未必能夠獲利,加上大戶手執千金,所謂「本多終勝」就算要返本都唔難,但一眾散戶一輸,就血本無歸喇,所以都係自己做功課研究股票好過,否則都係不沾手為妙啊!
*騰訊靠穩,望上330斬纜*
講返阿臣個倉。 大市氣氛麻麻地,下星期一(24日)花旗國會對神州落實10%關稅,而神州都表明會還擊,所以古臣認為貿易戰談判成功嘅機會唔大,雖然噚日(18日)國家隊維穩救市,加上人行放水,刺激港股由跌轉為倒升,但中長線嚟睇,由於貿易戰仍持續醞釀,而且阿臣覺得維持現狀置多,陰乾式下跌在所難免。 至於阿臣手上嘅股份,如上星期講大市氣氛唔好,騰訊(00700)捱沽,但靠回購令股價暫時靠穩,但距離330銀關口仲有一段距離,未到沽貨斬纜時機,而市況仍未明朗化下,部份資金流入公用股,好似粵海投資(00270),防守力幾強,阿臣當然揸住唔放喇。 表列截至9月19日(11:15am止)投資組合表現:
股份 股數 平均買入價 現價 總值 ---------------------------------------- 港股: 騰訊 100股 362﹒00元 325﹒20元 32520元 寶勝 10000股 1﹒56元 1﹒52元 15200元 粵海投資 2000股 13﹒00元 13﹒82元 27640元 領展 500股 75﹒35元 76﹒05元 38025元 ----------------------------------------
股票市值 : 113385元 剩餘現金 : 39803元 組合淨值 : 153188元
組合本月收益表現: - 1﹒8%(截至上月底止組合淨值:156043元) 組合累計收益表現: + 45﹒9%(本金105000元計)(2016年8月開倉)
*數據截至今日11:15am
【你點睇】本港主要銀行跟隨美聯儲減息,你對樓市前景有否信心?► 立即投票