近日盈盈同樓下古臣吹水講起ＱＱ（００７００），佢話如果２０１０年時用３２蚊左右買入ＱＱ（計及一拆五），７年間回報都有近８倍。雖然盈盈都有些少覺得無貨好可惜，不過，探子為盈盈找來更加強勁嘅產品，回報率講出來古臣眼都突埋！因為７年間，呢樣嘢回報達７５萬倍！
　　呢樣就係網絡錢幣比特幣（Ｂｉｔｃｏｉｎ）啦！噚日比特幣觸及歷史新高，接近２２００美金，當日亦係比特幣薄餅日嘅七周年，相傳七年前嘅當日就係第一單利用比特幣交易嘅日子。而如果２０１０年時用１００蚊美金買咗比特幣嘅話，現今呢１００蚊美金就變成七千幾萬美金啦！仲唔係７年七十幾萬倍回報？
　　不過，買比特幣嘅風險，比傳統投資產品高得多，古臣叫盈盈提醒身邊Ｄ朋友話喎，股票都未玩得掂，就咪玩比特幣啦！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

【香港好去處】etnet全新頻道盛大推出！全港最齊盛事活動資訊盡在掌握！► 即睇