「侵侵」嬴咗大選後美股走勢相當凌厲，噚日（７日）道指就飆高近三百點，再創新高！香江魚缸今朝（８日）亦有跟隨，試過收復兩萬三，但阻力唔細，完賽要企喺兩萬三似乎有Ｄ難度。
　　金風（０２２０８）公布，會向花旗蘋果轉讓多間項目公司股權畀對方。孖住對方就風電項目合作，推動綠色電力，仲將會向蘋果嘅生產合作夥伴直接供電，有助提升公司收入。金風近期亦積極發展海外業務對外擴張，彌補內地「棄風限電」所帶嚟嘅憂慮。今次泊得蘋果呢個大碼頭，無疑可以提高返公司海外知名度，增加返喺海外市場嘅競爭力。
　　公仔圖睇，公司試過一度飆高逾１３﹒１銀，不過好快就落返喺１３銀之下，呢個阻力幾大，唔排除有大戶趁好消息走貨。缸友不妨等到確認升破１３銀兼企穩後先順勢入貨，否則好大機會維持１０銀至１３銀嘅橫行格局。

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

樂本健及經濟通etnet合辦【免費體驗工作坊】 中醫穴位 x 新一代科研: 逆轉聽力損失 (截止報名23/10/24)► 了解詳情