其實有跟開半導體行業嘅人都知道，目前市場對晶片需求，已經到白熱化階段，基本上要搞雲業務、AI模組訓練，都要用上幾百塊GPU先可以做到，而資本市場亦唔怕你無錢，最怕你無貨。

　　咁而家中國市場係咪做到自給自足嘅年代呢？博客請教過相關人士，係！中國市場其實已經做到GPU自產嘅年代，不過直言，質素同價錢都未做到好似英偉達嗰種水平，要做替代品勉強可以，但並非最好。

　　係中美貿易紛爭年代，中國喺被封殺情況下，仲可以靠住自家研發度過危機，雖然好多人係討論區笑中國晶片靠「磨」出來，但正所謂三十年河東，三十年河西，有分析認為正正就係呢次封殺行動，迫使中國拋棄供應鏈而自家研發，令中國晶片發展急速上升。

　　正正係你睇到英偉達市值不停破頂，中芯國際（00981）又點可能落後呢？今日又升近8%，最近小米又話自己將會研發大型模組，基本上有「科技」兩個字渲染嘅公司都話要搞，所以晶片唔愁無出路。

　　國信證券研報指出，CSP廠商對於定製化AIASIC晶片需求旺盛，未來ASIC佔整體數據中心加速晶片的比例有望達到25%；國內CSP廠商在無法獲得英偉達先進算力晶片的背景下，進一步加速布局定製化ASIC晶片，因此國內具備較強晶片定製服務能力的公司，以及國產半導體供應鏈有望從中受益。

　　博客認為中芯國際會有新一輪起飛，目前現價入一注，假如跌穿30蚊可以考慮再度吸納，目標價博客都幾有信心，暫睇歷史新高44.8蚊！因為目前個市場需求，真係無得輸，仲有得升！

《編者按》本欄搜羅即市傳聞，惟消息未經證實，《經濟通》亦不保證內容之準確性。

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇