係今年10月8日，博客分析過，汽車街(02443)有人用高於市價十幾倍價錢買入股份，當日博客同大家解剖，絕對唔係單一「肥手指」事件，因為前前後後有人用70幾蚊買過，90幾蚊又買過，所以博客認為係一種「宣傳伎倆」，志在有媒體報導下咁解。
　　接近一個月後，呢隻股份好似越炒越有咁款，博客再留意下有咩人打莊、有咩人落盤咁，發覺都係北水自己落力炒起，究竟北水有咩神奇魔力，可以令到呢隻股份每日都有幾億成交額咁癡線仔？
　　有好多網友都話呢隻係妖股，博客覺得未必係啦，一來妖股要做到幾億成交額，成本太高了，第二就係要係北水落返香港炒高，也未免太難操作了吧？係內地要買人頭戶再北水南下炒起，先唔好講成本，博客唔熟悉內地股場，不過按常理推斷應該難過香港好多，所以可能性不大。
　　北水南下炒起嘅股，難估地方就係，佢只係得「中國投資信息」同「中國創盈市場」兩個名，你唔知係邊間券商操作緊，你話佢有莊你又唔肯定，你話佢全部都係散戶又好似唔多合理，總之難玩又難估。
　　不過可以肯定的是，北水連續幾日都係出緊貨，雖然今日炒高兩成六，但博客覺得股價應該好快回落，有貨的話如果有賺好記得食左先啦！

《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇？】美國總統大選在即，你認為誰將最終當選？► 立即投票