28/12/2023 16:45
《小傳日記》小米先禮後兵,成功嘅第一步就要管理好輿情?
呢個下半年全部科技股仆直,唯有係小米(01810)獨領風騷,一架小米造車由消息變成真實,令到股價都水漲船高。
事前就話不斷被人洩露機密,如今準備開訂就輪到自己係咁吹風造勢,反正英雄就係造時勢架啦。小米今日就舉行汽車「技術」發布會,事前雷軍講明「只發技術,不發產品」,不過發布會前就已經急不及待發布SU7海灣藍嘅先行「玉照」,車身隻藍色係土耳其藍,睇落都好搶眼。尤其係車頭燈用咗雙層LED燈,形成類似「米」字形狀,提高辨識度,不過係咪真係咁似就真係兩睇。
小米今日下晝正式舉行造勢大會,期間雷總就提到,小米造車嘅目標係要媲美波子同Tesla,希望十五至二十年之後,可以成為全球前五名的車廠。雷總又講到,SU7目前已經小批量產,但仲要做多幾個月測試先可以正式上市,確保萬無一失。
小米今次出呢架車對於消息管控方面都非常盡力,雖然事前話「被」洩露消息,不過都帶起咗好多次炒風。而今次造勢大會之前,小米身為科技巨頭,但又係造車新人,雷軍就先禮後兵,喺微博講明「我們深知汽車工業之複雜,我們深知開拓之不易,向中國新能源汽車產業先驅致敬!誠摯向比亞迪(01211)、蔚來(9866)、小鵬(09868)、理想(02015)、華為和寧德時代等公司致敬」,該提嘅都有提到。對於新人嘅敬茶,BYD、小鵬等等都出post回應,「歡迎」小米加入造車大家庭。
如今車業競爭咁激烈,周不時都出現兩間車企高管嘅口水戰,今次雷總一來就向對手點名致敬,唔知之後係咪真係可以和平競爭,但可以睇到小米無論係技術測試,定係輿論管理方面都係非常小心,確保有咩事都至少唔係因為流言蜚語,足以證明小米今次嘅高度重視,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
事前就話不斷被人洩露機密,如今準備開訂就輪到自己係咁吹風造勢,反正英雄就係造時勢架啦。小米今日就舉行汽車「技術」發布會,事前雷軍講明「只發技術,不發產品」,不過發布會前就已經急不及待發布SU7海灣藍嘅先行「玉照」,車身隻藍色係土耳其藍,睇落都好搶眼。尤其係車頭燈用咗雙層LED燈,形成類似「米」字形狀,提高辨識度,不過係咪真係咁似就真係兩睇。
小米今日下晝正式舉行造勢大會,期間雷總就提到,小米造車嘅目標係要媲美波子同Tesla,希望十五至二十年之後,可以成為全球前五名的車廠。雷總又講到,SU7目前已經小批量產,但仲要做多幾個月測試先可以正式上市,確保萬無一失。
小米今次出呢架車對於消息管控方面都非常盡力,雖然事前話「被」洩露消息,不過都帶起咗好多次炒風。而今次造勢大會之前,小米身為科技巨頭,但又係造車新人,雷軍就先禮後兵,喺微博講明「我們深知汽車工業之複雜,我們深知開拓之不易,向中國新能源汽車產業先驅致敬!誠摯向比亞迪(01211)、蔚來(9866)、小鵬(09868)、理想(02015)、華為和寧德時代等公司致敬」,該提嘅都有提到。對於新人嘅敬茶,BYD、小鵬等等都出post回應,「歡迎」小米加入造車大家庭。
如今車業競爭咁激烈,周不時都出現兩間車企高管嘅口水戰,今次雷總一來就向對手點名致敬,唔知之後係咪真係可以和平競爭,但可以睇到小米無論係技術測試,定係輿論管理方面都係非常小心,確保有咩事都至少唔係因為流言蜚語,足以證明小米今次嘅高度重視,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇