08/11/2023 16:45
《小傳日記》年輕人,係咩驅使你要食白人飯?係愛定係責任呀?
神州人民消費力下降,莫講話奢侈品,連咖啡都剩係鍾意飲9.9銀人仔一杯,就知慳得一蚊得一蚊嘅概念都唔係得香港先有,連神州同胞都「知慳識儉」。
經濟唔好都無得唔慳。為咗慳錢,神州新一代年輕人都興起食「白人飯」。「白人飯」(White people food)原本係美國用語,因為喺美國南部州份,比較受墨西哥同黑人飲食文化影響,通常都會比較興食炸雞等等啖啖肉又濃味嘅豐富大餐,更加會有「黑人都鍾意食炸雞」咁嘅種族刻板印象出現。而相對呢種所謂「黑人口味」,「白人飯」就係相對調味清淡、無乜肉食嘅「健康餐」,最初就係黑人用來反擊白人嘅講法。
不過近呢半年神州打工仔都興起食白人飯,只要喺微博、微信等等社交媒體search「#白人飯」,就可以見到好多有關白人飯嘅post同相,普遍都係一啲簡便午餐,豐富啲會有三文治、吞拿魚罐頭夾餅,再唔係就得無汁嘅沙律甚至係幾條西芹。
雖然白人飯相對係比較健康,不過其實白人飯最初就係美國返辦公室嘅人無乜時間準備午餐,而求其搵啲嘢醫肚而成,與其話為健康,更大程度係為咗方便。香港有幸發明咗快餐,但係神州同胞唔想出街食,但又想快就唯有自己準備呢種所謂白人飯。
有評論就覺得,白人飯風潮某程度係反映神州年輕人嘅打工生態。神州幾年前開始,尤其係科技行業,就有「996」嘅返工模式,即係「朝9晚9返6日」。當一星期真係咁忙,自然就真係無時間準備午餐。無時間就唯有捱午餐食頹啲,想慳錢就更加要食。無時間又無錢,如果食白人飯嗰時,可以跟杯9.9銀人仔嘅咖啡,都已經好奢侈喇,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
經濟唔好都無得唔慳。為咗慳錢,神州新一代年輕人都興起食「白人飯」。「白人飯」(White people food)原本係美國用語,因為喺美國南部州份,比較受墨西哥同黑人飲食文化影響,通常都會比較興食炸雞等等啖啖肉又濃味嘅豐富大餐,更加會有「黑人都鍾意食炸雞」咁嘅種族刻板印象出現。而相對呢種所謂「黑人口味」,「白人飯」就係相對調味清淡、無乜肉食嘅「健康餐」,最初就係黑人用來反擊白人嘅講法。
不過近呢半年神州打工仔都興起食白人飯,只要喺微博、微信等等社交媒體search「#白人飯」,就可以見到好多有關白人飯嘅post同相,普遍都係一啲簡便午餐,豐富啲會有三文治、吞拿魚罐頭夾餅,再唔係就得無汁嘅沙律甚至係幾條西芹。
雖然白人飯相對係比較健康,不過其實白人飯最初就係美國返辦公室嘅人無乜時間準備午餐,而求其搵啲嘢醫肚而成,與其話為健康,更大程度係為咗方便。香港有幸發明咗快餐,但係神州同胞唔想出街食,但又想快就唯有自己準備呢種所謂白人飯。
有評論就覺得,白人飯風潮某程度係反映神州年輕人嘅打工生態。神州幾年前開始,尤其係科技行業,就有「996」嘅返工模式,即係「朝9晚9返6日」。當一星期真係咁忙,自然就真係無時間準備午餐。無時間就唯有捱午餐食頹啲,想慳錢就更加要食。無時間又無錢,如果食白人飯嗰時,可以跟杯9.9銀人仔嘅咖啡,都已經好奢侈喇,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票