26/10/2023 16:51
《小傳日記》發達要靠賣水!最緊要控制好成本就唔會衰?
施政報告過後,魚缸又回復悶市,全日得800幾億銀成交,恒指跌40點,睇來17000浮吓浮吓咁都好難守得住。
早兩日神州胡潤研究院發布今年胡潤百富榜,農夫山泉(09633)鍾睒睒繼續以4500億人仔身家成為神州首富,比起第二位嘅QQ(00700)馬化騰嘅2800億人仔多成條街。鍾睒睒坐正首富位置第三年,身家比起上年只係減少1%,所以可以知道,要保持財富,最緊要就係夠穩定,結果就連馬化騰身家多咗三成都仲未追得上。
而百大富豪榜之中,總共有19位90後富豪上榜,不過當中只得三位係白手興家,即係其他16位都只係命運生得好啲。而呢三位入面,包括有85億人仔身家嘅喜茶聶雲宸、Manner咖啡陸劍霞同埋33歲王碩。
上面提到嘅鍾睒睒,同埋90後白手興家富豪之中嘅兩位,三個都係賣嘢飲。唔通賣嘢飲就容易發達?又的確,農夫山泉2012年至2022年內都可以維持毛利率喺53%至60%之間,即係支水嘅售價有一半都係淨賺。有研究發現,農夫山泉最大成本都係包裝樽、樽蓋、標籤、糖同果汁,而打水嘅成本佔總成本連1%都唔夠,如果唔係要用樽裝,根本就係無本生利。
其實做飲品生意,只要控制好成本,賺錢就可以比較穩定。至於點解賣水會係首富,而賣奶茶咖啡就難做到首富,因為飲品仲有原材料嘅成本,所以賣嘢飲可以控制成本到好似賣水一樣咁穩定,咁就可以搵到錢。所以喜茶可以片贏其他行家,都一定係喺控制成本方面做得好過人哋,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
早兩日神州胡潤研究院發布今年胡潤百富榜,農夫山泉(09633)鍾睒睒繼續以4500億人仔身家成為神州首富,比起第二位嘅QQ(00700)馬化騰嘅2800億人仔多成條街。鍾睒睒坐正首富位置第三年,身家比起上年只係減少1%,所以可以知道,要保持財富,最緊要就係夠穩定,結果就連馬化騰身家多咗三成都仲未追得上。
而百大富豪榜之中,總共有19位90後富豪上榜,不過當中只得三位係白手興家,即係其他16位都只係命運生得好啲。而呢三位入面,包括有85億人仔身家嘅喜茶聶雲宸、Manner咖啡陸劍霞同埋33歲王碩。
上面提到嘅鍾睒睒,同埋90後白手興家富豪之中嘅兩位,三個都係賣嘢飲。唔通賣嘢飲就容易發達?又的確,農夫山泉2012年至2022年內都可以維持毛利率喺53%至60%之間,即係支水嘅售價有一半都係淨賺。有研究發現,農夫山泉最大成本都係包裝樽、樽蓋、標籤、糖同果汁,而打水嘅成本佔總成本連1%都唔夠,如果唔係要用樽裝,根本就係無本生利。
其實做飲品生意,只要控制好成本,賺錢就可以比較穩定。至於點解賣水會係首富,而賣奶茶咖啡就難做到首富,因為飲品仲有原材料嘅成本,所以賣嘢飲可以控制成本到好似賣水一樣咁穩定,咁就可以搵到錢。所以喜茶可以片贏其他行家,都一定係喺控制成本方面做得好過人哋,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
【你點睇】國家隊奧運健兒訪港,有市民指難以購票感到遺憾► 立即投票