17/10/2023 16:54
《小傳日記》茅台咖啡香港都有得飲,一杯要價61蚊!
之前神州瑞幸咖啡就同茅台(滬:600519)震撼聯手,推出咗「醬香拿鐵」,新一代都衝去打咭,成為咗潮流icon。而呢幾日香江呢邊都開始聞到「醬香」味,因為喺灣仔都有間茶餐廳出咗款「真.茅台咖啡」!
喺灣仔嘅一間茶餐廳,近期就出咗杯「真.茅台咖啡」,淨飲盛惠61銀,跟餐凍啡想轉配茅台咖啡就要另加40銀,比起瑞幸賣嗰杯醬香拿鐵原價都只係38銀人仔貴得多,開初試飲價仲只係半價19銀人仔,灣仔呢杯真係貴得多。不過據聞61銀一杯都賺得唔多,因為目前有賺都係老闆入到批荀價茅台先做得到,如果唔係就賣一杯蝕一杯。
不過回返帶,早一個月到瑞幸醬香拿鐵大賣同時,就有其餘有賣茅台咖啡嘅小型cafe被上面執法部門侵犯註冊商標專用權,未經授權就用茅台同五糧液等等製作含酒咖啡出售,仲用埋商標登喺舖面。呢幾間小型cafe當時就被罰咗3500至14萬人仔不等,仲要連由酒溝咖啡賺到嘅錢都要被沒收。
而喺香港呢邊瑞幸就無分店,亦都應該無分公司喺香港開設,所以如果香港茶餐廳喺本地賣茅台咖啡,都應該唔關瑞幸事。不過香港就有茅台酒專門店,所以都應該有註冊商標。唔知茶餐廳有無同茅台方面單聲,萬一好似上面咁樣,喺餐廳舖面標明「茅台」咖啡,唔知又會唔會落入未經授權嘅灰色地帶。
雖然茅台酒最初係一款酒名,不過而家已經係貴州茅台嘅專利。之前7月就有傳貴州茅台已經喺神州申請註冊「茅小咖」商標,不過就唔知有無一樣喺香港註冊,但係就可以知道茅台真係有意推出茅台酒+咖啡嘅產品,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
喺灣仔嘅一間茶餐廳,近期就出咗杯「真.茅台咖啡」,淨飲盛惠61銀,跟餐凍啡想轉配茅台咖啡就要另加40銀,比起瑞幸賣嗰杯醬香拿鐵原價都只係38銀人仔貴得多,開初試飲價仲只係半價19銀人仔,灣仔呢杯真係貴得多。不過據聞61銀一杯都賺得唔多,因為目前有賺都係老闆入到批荀價茅台先做得到,如果唔係就賣一杯蝕一杯。
不過回返帶,早一個月到瑞幸醬香拿鐵大賣同時,就有其餘有賣茅台咖啡嘅小型cafe被上面執法部門侵犯註冊商標專用權,未經授權就用茅台同五糧液等等製作含酒咖啡出售,仲用埋商標登喺舖面。呢幾間小型cafe當時就被罰咗3500至14萬人仔不等,仲要連由酒溝咖啡賺到嘅錢都要被沒收。
而喺香港呢邊瑞幸就無分店,亦都應該無分公司喺香港開設,所以如果香港茶餐廳喺本地賣茅台咖啡,都應該唔關瑞幸事。不過香港就有茅台酒專門店,所以都應該有註冊商標。唔知茶餐廳有無同茅台方面單聲,萬一好似上面咁樣,喺餐廳舖面標明「茅台」咖啡,唔知又會唔會落入未經授權嘅灰色地帶。
雖然茅台酒最初係一款酒名,不過而家已經係貴州茅台嘅專利。之前7月就有傳貴州茅台已經喺神州申請註冊「茅小咖」商標,不過就唔知有無一樣喺香港註冊,但係就可以知道茅台真係有意推出茅台酒+咖啡嘅產品,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
【與拍賣官看藝術】常玉作品屢創天價,背後其實藏著跌宕起伏的人生► 即睇