06/09/2023 16:49
《小傳日記》醬香拿鐵大熱新興!對手被罰來贈慶?
香港近期就興去麥記飲杯新咖啡,而神州就興飲白酒溝咖啡,就係由茅台同瑞幸聯名一齊推出嘅「醬香拿鐵」。
茅台身為國酒,深受國民喜愛,溝落乜嘢度都會大熱,好似之前就試過出「茅台雪糕」,當然都係火爆大熱。今次醬酒溝咖啡,仲要由兩大名牌聯手,單睇牌頭都夠曬吸睛。醬香拿鐵今個星期一(4號)喺瑞幸門市開賣,盛惠38銀人仔一杯,開頭人人用優惠券就可以半價試飲。結果新出第一日,就大賣超過542萬杯,銷售額過億人仔,打破瑞幸嘅單品紀錄,實在係可喜可賀。
不過大賺同時,都不忘要剷除潛在對手。江陰市市監局噚日(5日)就對市內3間cafe處以罰款,3間分別被罰約14萬人仔、9400人仔同3500人仔,話佢哋未經授權就將茅台、五糧液、國窖、響、山崎同獺祭等等名酒溝咖啡來出售,仲喺鋪頭內銷售貼有相應品牌商標標簽的咖啡產品,話佢哋侵犯註冊商標專用權。除咗罰錢之外,仲要沒收「違法所得」,扣除相應成本之後,每杯利潤10蚊人仔,3間分別銷售1617杯、112杯同42杯。
根據天眼查App顯示,3間cafe最早就喺2022年4月1號就開始賣有酒咖啡,即係早過瑞幸差唔多成年半,不過瑞幸攞正牌同茅台合作,當然可以高舉「名門正派」嘅牌頭。不過人哋都早成一年開始賣,最多嗰間都係賣咗1600幾杯,賺埋都係皮幾嘢,好明顯都係名不經傳嘅小店。雖然用法例來講就點都係瑞幸攞正牌係啱,不過新品大賣咁威嘅同時腳下踩住被大石砸死蟹嘅小店,醬香幾香都好難睇唔到腳下嘅血淋淋。
其實酒咖啡都唔係咩新鮮事,好多cafe都會有得賣愛爾蘭咖啡,就係espresso加上愛爾蘭威士忌而成,熱飲一杯又有淡淡酒香,係冬天暖胃佳品。如果幾間細cafe最初只係賣「白酒咖啡」而唔標明係茅台,唔知又會唔會被人「遲來先告」?請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
茅台身為國酒,深受國民喜愛,溝落乜嘢度都會大熱,好似之前就試過出「茅台雪糕」,當然都係火爆大熱。今次醬酒溝咖啡,仲要由兩大名牌聯手,單睇牌頭都夠曬吸睛。醬香拿鐵今個星期一(4號)喺瑞幸門市開賣,盛惠38銀人仔一杯,開頭人人用優惠券就可以半價試飲。結果新出第一日,就大賣超過542萬杯,銷售額過億人仔,打破瑞幸嘅單品紀錄,實在係可喜可賀。
不過大賺同時,都不忘要剷除潛在對手。江陰市市監局噚日(5日)就對市內3間cafe處以罰款,3間分別被罰約14萬人仔、9400人仔同3500人仔,話佢哋未經授權就將茅台、五糧液、國窖、響、山崎同獺祭等等名酒溝咖啡來出售,仲喺鋪頭內銷售貼有相應品牌商標標簽的咖啡產品,話佢哋侵犯註冊商標專用權。除咗罰錢之外,仲要沒收「違法所得」,扣除相應成本之後,每杯利潤10蚊人仔,3間分別銷售1617杯、112杯同42杯。
根據天眼查App顯示,3間cafe最早就喺2022年4月1號就開始賣有酒咖啡,即係早過瑞幸差唔多成年半,不過瑞幸攞正牌同茅台合作,當然可以高舉「名門正派」嘅牌頭。不過人哋都早成一年開始賣,最多嗰間都係賣咗1600幾杯,賺埋都係皮幾嘢,好明顯都係名不經傳嘅小店。雖然用法例來講就點都係瑞幸攞正牌係啱,不過新品大賣咁威嘅同時腳下踩住被大石砸死蟹嘅小店,醬香幾香都好難睇唔到腳下嘅血淋淋。
其實酒咖啡都唔係咩新鮮事,好多cafe都會有得賣愛爾蘭咖啡,就係espresso加上愛爾蘭威士忌而成,熱飲一杯又有淡淡酒香,係冬天暖胃佳品。如果幾間細cafe最初只係賣「白酒咖啡」而唔標明係茅台,唔知又會唔會被人「遲來先告」?請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇