早兩日講起AI歌手同黃家駒，而有跟開嘅都知道尤其喺黃家駒忌日前呢幾日，就有人爭論緊隻demo係唔係寫畀自己，仲考埋大家「記憶體」好唔好。其實要證明隻歌係唔係自己，唔使日日考「記憶體」，用NFT就得喇。
　　今次事件嘅「幕後操手」-Beyond前經理人陳健添近年就好熱衷做NFT歌曲，而之前就已經將今次爭論嘅原曲demo鑄造NFT，唔知今次肥媽演繹嘅新版本又會唔會再鑄NFT呢？而NFT歌曲同最早嘅NFT畫都差唔多，就係將一件作品變成一申crypto代碼，證明所擁有嘅複本係正版之一。
　　第一隻NFT專輯係由美國樂隊Kings of Leon喺2021年3月推出，啟發唔少音樂人都推出NFT歌曲。最犀利嘅莫過於今年3月逝世嘅坂本龍一，2021年底佢將自己嘅首本名曲《戰場上的快樂聖誕》鑄成NFT，唔似其他歌或者畫，會將同一件作品鑄成某一個數量嘅NFT，坂本龍一將《戰場上的快樂聖誕》嘅主旋律，96個小節一共595個音符，每一個音符都單獨鑄成NFT，變相每一個NFT都係真正獨一無二。雖然最初定價只係10000円，但係買家之後再放出來，閑閑哋已經可以炒到幾十萬円一個音符，已經未計某啲關鍵音符！如今坂本龍一都已經離世，相信呢批NFT嘅收藏價值更加會直線飆升。
　　當然亦都可以話，喺YouTube就可以聽曬全首，買隻CD都算擁有咗，不過NFT就係始終唯一一次嘅唯一一個音符，亦都正係NFT嘅收藏價值。如果肥媽演繹嘅新版黃家駒demo鑄NFT，有無收藏價值，就真係由市場話事，請請！
　
*編者按:本欄搜羅即日熱門傳聞，惟消息未經證實，《經濟通》亦不保證內容之準確性；本文只供參考之用，並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《經濟通》、編者及作者無關。

《說說心理話》【奧運劍擊熱】大師兄張小倫親身分享！贏在起跑線=壓力？如何培育子女有卓越成就？► 即睇