27/06/2023 16:38
《小傳日記》AI歌手有無原唱咁好聽?情感連繫到就啱聽!
AI熱潮比起早兩個月的確係有冷卻咗啲,雖然各式各樣嘅AI產品都陸陸續續出緊,不過瑞銀點評Google母公司Alphabet嗰陣都點出咗重要一點,雖然AI仲有增長空間,但係要等目前嘅AI產品賺到錢都仲要時間,所以目前投資AI概念嘅風險都相對提高,仲將Alphabet降grade至「中性」。
的確而家講起AI都係玩票性質,譬如ChatGPT好多人都係同佢傾吓偈,又或者打啲嘢來測試佢智力;又或者美圖(01357)之前出嘅AI繪圖都只係停留喺「玩吓啫」嘅程度。不過近期香港好興一種AI,就係AI歌手。
最初其實係某位用家,將林家謙首《一人之境》用AI轉聲轉成係尹光把聲來唱,除咗獨特嘅地道唱腔高度還原,仲連Ad-lib都有埋,條片到今日上架兩個禮拜左右就已經超過90萬views!之後AI尹光仲出多咗好多首翻唱其他後輩歌手嘅歌,側田、姜濤嘅歌佢都唱過。甚至後來仲驚動「真.尹光」都出來聽吓。
而咁多AI歌手入面,相信最有感覺都係AI黃家駒。適逢今個月係黃家駒逝世30周年,有人就將用AI仿製返黃家駒嘅聲線來翻唱咗陳奕迅嘅《單車》。一聽落,無十成都有九成,有唔少老fans都留言話呢個AI嘅仿製係最貼近黃家駒嘅聲線,所以就算明知唔係真人,都依然聽得感動。而製作「AI黃家駒」嘅原作者都留言講到,深明家駒聲音係獨一無二,AI都無辦法完美複製佢嘅聲線,目前都只係盡力做到最好,希望藉此畀老fans懷舊,同時用新一代流行曲令後生一代聽到家駒同Beyond嘅聲音。
由呢期嘅AI歌手熱潮可以睇到,除咗有趣之外,AI仲可以做到懷愐嘅效果。雖然AI始終唔係真人,不過當佢越來越真,自願相信嘅人就會相信,相信可以填補內心嘅情感缺憾。由AI歌手MV嘅views數睇到,呢一種同情感嘅扣連好有可能會係AI技術發展嘅其中一個面向,如果可以複製更加多已經聽唔到嘅聲音,相信未來嘅需求空間都唔細,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
的確而家講起AI都係玩票性質,譬如ChatGPT好多人都係同佢傾吓偈,又或者打啲嘢來測試佢智力;又或者美圖(01357)之前出嘅AI繪圖都只係停留喺「玩吓啫」嘅程度。不過近期香港好興一種AI,就係AI歌手。
最初其實係某位用家,將林家謙首《一人之境》用AI轉聲轉成係尹光把聲來唱,除咗獨特嘅地道唱腔高度還原,仲連Ad-lib都有埋,條片到今日上架兩個禮拜左右就已經超過90萬views!之後AI尹光仲出多咗好多首翻唱其他後輩歌手嘅歌,側田、姜濤嘅歌佢都唱過。甚至後來仲驚動「真.尹光」都出來聽吓。
而咁多AI歌手入面,相信最有感覺都係AI黃家駒。適逢今個月係黃家駒逝世30周年,有人就將用AI仿製返黃家駒嘅聲線來翻唱咗陳奕迅嘅《單車》。一聽落,無十成都有九成,有唔少老fans都留言話呢個AI嘅仿製係最貼近黃家駒嘅聲線,所以就算明知唔係真人,都依然聽得感動。而製作「AI黃家駒」嘅原作者都留言講到,深明家駒聲音係獨一無二,AI都無辦法完美複製佢嘅聲線,目前都只係盡力做到最好,希望藉此畀老fans懷舊,同時用新一代流行曲令後生一代聽到家駒同Beyond嘅聲音。
由呢期嘅AI歌手熱潮可以睇到,除咗有趣之外,AI仲可以做到懷愐嘅效果。雖然AI始終唔係真人,不過當佢越來越真,自願相信嘅人就會相信,相信可以填補內心嘅情感缺憾。由AI歌手MV嘅views數睇到,呢一種同情感嘅扣連好有可能會係AI技術發展嘅其中一個面向,如果可以複製更加多已經聽唔到嘅聲音,相信未來嘅需求空間都唔細,請請!
*編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。
【與拍賣官看藝術】常玉作品屢創天價,背後其實藏著跌宕起伏的人生► 即睇